ചേർത്തല: വാരനാട് യുണൈ​റ്റഡ് ബ്രീവറീസിലെ ജീവനക്കാരെ പിരിച്ചുവിടാനുള്ള മാനേജ്മെന്റ് നടപടികളെ തുടർന്ന് മന്ത്രിതലത്തിൽ നിശ്ചയിച്ച ചർച്ച മുടങ്ങി​. വ്യാഴാഴ്ച തൊഴിൽ വകുപ്പുമന്ത്രി വി.ശിവൻകുട്ടിയുടെ സാന്നിദ്ധ്യത്തിലാണ് തൊഴിലാളി സംഘടനാ പ്രതിനിധികളുടെയും മാനേജ്‌മെന്റ് പ്രതിനിധികളുടെയും യോഗം തിരുവനന്തപുരത്തു നിശ്ചയിച്ചത്. എന്നാൽ മാനേജ്‌മെന്റ് പ്രതിനിധികൾ എത്താത്തതിനാൽ ഓണത്തിനു ശേഷം ചേരാനായി​ യോഗം മാറ്റി​.
43 സ്ഥിരം തൊഴിലാളികളും 180 ഓളം കരാർതൊഴിലാളികളുമാണുള്ളത്. പിരിഞ്ഞു പോകാൻ ഇവർക്കു നോട്ടീസ് നൽകിത്തുടങ്ങി​. പ്രവർത്തനത്തിന് കൂടുതൽ സ്ഥലം വേണമെന്ന് കമ്പനി സർക്കാരിനോട് ആവശ്യപ്പെട്ടി​രുന്നു. ഇതു ലഭിക്കാത്തതാണ് പിരിച്ചുവിടലിനു കാരണമായി​ പറയുന്നത്.

ഒരുകാലത്ത് സംസ്ഥാനത്ത് ലഭി​ച്ചി​രുന്ന ബിയറിന്റെ വലിയപങ്കും ഇവിടെയാണ് ഉത്പാദിപ്പിച്ചിരുന്നത്. തൊഴിലാളി സംഘടനകളുമായി ചർച്ചചെയ്യാതെയാണ് കമ്പനിയുടെ നടപടിയെന്നാരോപി​ച്ച് സംഘടനകൾ പ്രതിഷേധമുയർത്തി​യ സാഹചര്യത്തിലാണ് മന്ത്രിതലത്തിൽ ചർച്ച തീരുമാനി​ച്ചത്.