ആലപ്പുഴ: ജീവനക്കാർക്കും അദ്ധ്യാപകർക്കും പെൻഷൻകാർക്കും അവരുടെ ആശ്രിതർക്കുമായി നടപ്പിലാക്കിയ മെഡിസെപ്പ് പദ്ധതിയെ തകർക്കാൻ സർക്കാർ ശ്രമിക്കുന്നതായി ആരോപിച്ച് ഫെറ്റോയുടെ നേതൃത്വത്തിൽ കളക്ട്രേറ്റിലേക്ക് നടത്തിയ മാർച്ച് സംസ്ഥാന ജനറൽ സെക്രട്ടറി എസ്‌.കെ. ജയകുമാർ ഉദ്ഘാടനം ചെയ്തു. എൻ.ജി.ഒ. സംഘ് സംസ്ഥാന ജോയിന്റ് സെക്രട്ടറി ജെ മഹാദേവൻ, സംസ്ഥാന സമിതി അംഗം എസ്‌.സോളിമോൻ, ജില്ലാ പ്രസിഡന്റ് കെ.ആർ.വേണു, സെക്രട്ടറി ശ്രീജിത്ത് എസ്‌.കരുമാടി, പെൻഷനേഴ്സ് മഹാ സംഘ് സംസ്ഥാന സെക്രട്ടറി സനൽകുമാർ, എൽ.വിജയ്, എൽ.ദിലീപ് കുമാർ, എൽ.ജയദാസ് എന്നിവർ സംസാരിച്ചു. ഫെറ്റോ ജില്ലാ ജോയിന്റ് സെക്രട്ടറി സി.ടി.ആദർശ് സ്വാഗതവും ജില്ലാ ട്രഷറർ ആർ.അഭിലാഷ് നന്ദിയും പറഞ്ഞു.