ചേർത്തല:എസ്.എൻ.ഡി.പി യോഗം വയലാർ തെക്ക് 468ാം നമ്പർ ശാഖയിലെ ഗുരുദേവ പ്രതിഷ്ഠാ വാർഷികവും കാഷ് അവാർഡ്, ചികിത്സാ സഹായ വിതരണവും 31ന് വിവിധ ചടങ്ങുകളോടെ നടക്കും. 31ന് രാവിലെ 9ന് കലശപൂജ,10ന് കലശാഭിഷേകം,10.30ന് പ്രതിഷ്ഠാ വാർഷിക സമ്മേളനം ചേർത്തല യൂണിയൻ അഡ്മിനിസ്ട്രേറ്റർ ടി.അനിയപ്പൻ ഉദ്ഘാടനം ചെയ്യും. ശാഖ പ്രസിഡന്റ് ആർ.തിലകപ്പൻ അദ്ധ്യക്ഷത വഹിക്കും. യോഗം കൗൺസിലർ പി.ടി.മന്മഥൻ ഗുരുദേവ പ്രഭാഷണം നടത്തും. ചികിത്സാ സഹായ വിതരണം നിയുക്ത യോഗം ഡയറക്ടർ ബോർഡ് അംഗം അനിൽ ഇന്ദീവരവും കാഷ് അവാർഡ് വിതരണം ചേർത്തല യൂണിയൻ മുൻ പ്രസിഡന്റ് കെ.പി.നടരാജനും നിർവഹിക്കും. എസ്.എൻ.ട്രസ്റ്റ് ബോർഡ് അംഗം സംഘടനാ സന്ദേശം നൽകും. പഞ്ചായത്ത് അംഗങ്ങളായ ജയലേഖ, യു.ജി.ഉണ്ണി,യൂണിയൻ കമ്മിറ്റി അംഗം പി.വി.പുഷ്പാംഗദൻ,വനിതാസംഘം പ്രസിഡന്റ് രമാ സുശീലൻ,യൂത്ത്മൂവ്മെന്റ് സെക്രട്ടറി കെ.എസ്.ഷൈൻ എന്നിവർ സംസാരിക്കും. ശാഖ സെക്രട്ടറി എം.അശോകൻ സ്വാഗതവും വൈസ് പ്രസിഡന്റ് എൻ.ഷിബു നന്ദിയും പറയും. വൈകിട്ട് 6ന് ഗുരുദേവ കൃതിയായ കുണ്ഡലിനിപാട്ടിന്റെ നൃത്താവിഷ്ക്കാരം.7ന് ശാഖാംഗങ്ങളുടെ കുട്ടികൾ അവതരിപ്പിക്കുന്ന നൃത്തനൃത്യങ്ങൾ,രാത്രി 8ന് ഗാനമേള.