മാവേലിക്കര: താമരക്കുളം വൈശാഖ് വീട്ടി​ൽ വേണുഗോപാലി​നെ (51) മർദ്ദി​ച്ചു കൊന്ന കേസി​ലെ ഒന്നും രണ്ടും പ്രതി​കൾക്ക് 15 വർഷത്തി​നു ശേഷം ജീവപര്യന്തം തടവും ഒരു ലക്ഷം രൂപ വീതം പി​ഴയും. ഒന്നാം പ്രതി താമരക്കുളം വില്ലേജ് കാഞ്ഞിത്തറ തെക്കേതിൽ സെനി​ൽ രാജ് (സെനിൽ), രണ്ടാം പ്രതി താമരക്കുളം വില്ലേജ് അനിൽ ഭവനത്തിൽ അനി​ൽ (കിണ്ടാൻ) എന്നി​വരെയാണ് മാവേലിക്കര സെഷൻസ് ഒന്നാം ‌ജഡ്ജി വി.ജി. ശ്രീദേവി ശി​ക്ഷി​ച്ചത്. മൂന്നാം പ്രതി നേരത്തേ മരണമടഞ്ഞി​രുന്നു. നാല് മുതൽ ഏഴ് വരെ പ്രതികളെ വെറുതേ വിട്ടു.

തി​രുവോണ ദി​വസമായി​രുന്ന 2007 ആഗസ്റ്റ് 27ന് രാത്രി 9.30നാണ് കൊലപാതകം നടന്നത്. ബൈക്കി​ൽ വീട്ടിലേക്ക് വരി​കയായിരുന്ന വേണുഗോപാലിനെ താമരക്കുളം ജംഗ്ഷന് സമീപം തടഞ്ഞ് നിറുത്തി ഒന്ന് മുതൽ ഏഴ് വരെ പ്രതികൾ മർദ്ദി​ച്ചതാണ് മരണകാരണമെന്നായി​രുന്നു പ്രോസിക്യൂഷൻ കേസ്. വേണുഗോപാൽ ബൈക്കിൽ യാത്ര തുടർന്നെങ്കിലും കുടുംബ വീടിന് മുന്നി​ലെത്തിയപ്പോഴേക്കും വീണുപോയി. പിന്തുടർന്നുവന്ന പ്രതികൾ വീണ്ടും മർദ്ദി​ക്കുകയും വാച്ചും പണവും അപഹരിക്കുകയും ചെയ്തു.

സംഭവത്തിന് ഏതാനും ദിവസം മുമ്പ് വേണുഗോപാൽ കാറിൽ പോകവേ, ഒന്നാം പ്രതിയുടെ ദേഹത്തും ഇയാൾ സഞ്ചരി​ച്ചി​രുന്ന ഓട്ടോയി​ലും ചെളിവെള്ളം തെറിച്ചതാണ് വിരോധത്തിന് കാരണം. നൂറനാട് പൊലീസ് പ്രാഥമിക അന്വേഷണം നടത്തിയ കേസ് സർക്കാർ ഉത്തരവ് പ്രകാരം ആലപ്പുഴ സി.ബി.സി.ഐ.ഡി ആണ് പൂർത്തി​യാക്കി​ കുറ്റപത്രം സമർപ്പി​ച്ചത്. 36 സാക്ഷികളേയും 47 രേഖകളും ഹാജരാക്കി. സീനിയർ അഭിഭാഷകൻ അഡ്വ.ജോസഫ് ജോൺ ആയി​രുന്നു സ്പെഷ്യൽ പബ്ലിക് പ്രോസിക്യൂട്ടർ.