ഹരിപ്പാട്: യൂത്ത് കോൺഗ്രസ് കുമാരപുരം മണ്ഡലം കമ്മിറ്റിയുടെ നേതൃത്വത്തിൽ നടന്ന ആദരവ് 2022 മെരിറ്റ് അവാർഡ് വിതരണവും പൊതു സമ്മേളനവും ഹരിപ്പാട് എം.എൽ.എ രമേശ് ചെന്നിത്തല ഉദ്ഘാടനം ചെയ്തു. യൂത്ത് കോൺഗ്രസ് മണ്ഡലം പ്രസിഡന്റ് ഷാഹു ഉസ്മാൻ അദ്ധ്യക്ഷത വഹിച്ചു. കെ.പി.സി.സി അംഗം എ.കെ. രാജൻ മുഖ്യപ്രഭാഷണം നടത്തി. പ്രശസ്ത സിനി.ആർട്ടിസ്റ്റ് അൻസിൽ റഹ്മാൻ സമ്മാനദാനം നിർവഹിച്ചു. ഡി.സി.സി വൈസ് പ്രസിഡന്റ് എസ്. ദീപു, ഡി.സി.സി ജനറൽ സെക്രട്ടറി കെ.കെ. സുരേന്ദ്രനാഥ്, ഡി.സി.സി അംഗങ്ങളായ രാജേഷ് ബാബു, സ്റ്റീഫൻ ജേക്കബ്, മണ്ഡലം പ്രസിഡന്റുമാരായ കെ.സുധീർ, കെ.സുരേന്ദ്രൻ, കാട്ടിൽ സത്താർ, യൂത്ത് കോൺഗ്രസ് നിയോജക മണ്ഡലം പ്രസിഡന്റ് വിഷ്ണു.ആർ, ബ്ലോക്ക് കോൺഗ്രസ് കമ്മിറ്റി ഭാരവാഹികളായ ജി. ശശികുമാർ, ശ്യാംകുമാർ, രാജേഷ്, മഹിളാ കോൺഗ്രസ് നിയോജക മണ്ഡലം പ്രസിഡന്റ് ശ്രീദേവി രാജു, ഗ്ലമി വാലടി, അനിൽ മുണ്ടപ്പള്ളി, ഷാരോൺ, അനന്ദു ഭുവനദാസ്, അനൂപ്, സുമേഷ് എന്നിവർ സംസാരിച്ചു.