ചേർത്തല:എസ്.എൻ.ഡി.പി യോഗം വയലാർ തെക്ക് 468ാം നമ്പർ ശാഖയിലെ ഗുരുദേവ പ്രതിഷ്ഠാ വാർഷികവും കാഷ് അവാർഡ്, ചികിത്സാ സഹായ വിതരണവും നടന്നു. പ്രതിഷ്ഠാ വാർഷിക സമ്മേളനം ചേർത്തല യൂണിയൻ അഡ്മിനിസ്ട്രേറ്റർ ടി.അനിയപ്പൻ ഉദ്ഘാടനം ചെയ്തു. ശാഖ പ്രസിഡന്റ് ആർ.തിലകപ്പൻ അദ്ധ്യക്ഷത വഹിച്ചു. അഖിൽ അപ്പുക്കുട്ടൻ ഗുരുദേവ പ്രഭാഷണം നടത്തി. ചികിത്സാ സഹായ വിതരണം നിയുക്ത യോഗം ഡയറക്ടർ ബോർഡ് അംഗം അനിൽ ഇന്ദീവരവും കാഷ് അവാർഡ് വിതരണം ചേർത്തല യൂണിയൻ മുൻ പ്രസിഡന്റ് കെ.പി.നടരാജനും നിർവഹിച്ചു. എസ്.എൻ.ട്രസ്റ്റ് ബോർഡ് അംഗം പി.എൻ.നടരാജൻ സംഘടനാ സന്ദേശം നൽകി. പഞ്ചായത്ത് അംഗങ്ങളായ ജയലേഖ, യു.ജി.ഉണ്ണി,യൂണിയൻ കമ്മിറ്റി അംഗം പി.വി.പുഷ്പാംഗദൻ,വനിതാസംഘം പ്രസിഡന്റ് രമാ സുശീലൻ,യൂത്ത്മൂവ്മെന്റ് സെക്രട്ടറി കെ. എസ്.ഷൈൻ എന്നിവർ സംസാരിച്ചു. ശാഖ സെക്രട്ടറി എം.അശോകൻ സ്വാഗതവും വൈസ് പ്രസിഡന്റ് എൻ.ഷിബു നന്ദിയും പറഞ്ഞു .