മൂവാറ്റുപുഴ: കനത്ത മഴയെ തുടർന്ന് മുളവൂർ തോട് കരകവിഞ്ഞതോടെ ഏക്കർ കണക്കിന് കൃഷി വെള്ളത്തിനടിയിലായി. പായിപ്ര ഗ്രാമപഞ്ചായത്തിലെ 4,7.9,10,11 വാർഡുകളിലൂടെ കടന്നുപോകുന്നതാണ് മുളവൂർ തോട്.

തോടിന്റെ ഇരു കരകളിലുമായി കപ്പ, വാഴ, ചേന, തെങ്ങ്, ജാതി, റബർ, പച്ചക്കറി എന്നിവയാണ് വെള്ളത്തിനടിയിലായിരിക്കുന്നത്. മുളവൂർ വടമുക്ക് പാലം, വായനശാലപ്പടി, മംഗല്യ കടവ്, കാവുംപടി കേച്ചേരി കടവ്, കിഴക്കേകടവ്, ആട്ടായം പ്രദേശങ്ങളിലാണ് കൃഷിനാശം. തോടിനോട് ചേർന്നുള്ള വീടുകളും വെള്ളപ്പൊക്ക ഭീഷണിയിലാണ്.