കിഴക്കമ്പലം: പൂക്കാട്ടുപടി വള്ളത്തോൾ സ്മാരക വായനശാല ബാലവേദി സംഘടിപ്പിക്കുന്ന 15ാം കലോത്സവം തുടങ്ങി. താലൂക്ക് ലൈബ്രറി കൗൺസിൽ വൈസ് പ്രസിഡന്റ് ജോസ് വി.ജേക്കബ് ഉദ്ഘാടനം ചെയ്തു. ആദ്യദിനം രചനാമത്സരങ്ങൾക്ക് തുടക്കം കുറിച്ചു. വായനശാലാ പ്രസിഡന്റ് ജേക്കബ് സി. മാത്യു, വൈസ് പ്രസിഡന്റ് പി.വി. സുരേന്ദ്രൻ, സെക്രട്ടറി കെ.എം. മഹേഷ്, താലൂക്ക് സെക്രട്ടറി പി.ജി.സജീവ്, കമ്മി​റ്റി അംഗങ്ങളായ പി.കെ.ജിനീഷ്, സുബിൻ പി.ബാബു, സി.ജി.ദിനേശ്, വിൽസൺ വർഗീസ് തുടങ്ങിയവർ സംസാരിച്ചു.