പറവൂർ: എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശന്റെ ഒരു വർഷം നീണ്ടുനിൽക്കുന്ന ജന്മശതാബ്ദി ആഘോഷങ്ങളുടെ ഭാഗമായി പള്ളിത്താഴം കൊത്തലങ്കോ ആശ്രമം, കൂനമ്മാവ് ഇവാഞ്ചൽ ആശ്രമം, പെരുമ്പടന്ന ശാന്തിതീരം ആശ്രമം, പറവൂത്തറ ജനനി വൃദ്ധസദനം എന്നിവിടങ്ങളിലെ അന്തേവാസികൾക്കായി പറവൂർ യൂണിയൻ ചതയംനാളിൽ അന്നദാനം നടത്തി. യൂണിയൻ പ്രസിഡന്റ് സി.എൻ.രാധാകൃഷ്ണൻ, സെക്രട്ടറി ഹരി വിജയൻ, വൈസ് പ്രസിഡന്റ് ഷൈജു മനയ്ക്കപ്പടി എന്നിവർ ചേർന്ന് ഉദ്ഘാടനം ചെയ്തു. യൂണിയൻ കൗൺസിലർമാരായ ഡി. പ്രസന്നകുമാർ, കണ്ണൻ കൂട്ടുകാട്‌, യുത്ത് മൂവ്മെന്റ് ഭാരവാഹികളായ വിഷ്ണു, ജിനീഷ് എന്നിവർ പങ്കെടുത്തു.