കിഴക്കമ്പലം: കൈതക്കാട് മഹാവിഷ്ണു ക്ഷേത്രത്തിൽ ദശാവതാര മഹോത്സവത്തിന് തുടക്കം. ഇതിന്റെ ഭാഗമായി ആരംഭിച്ച ദശാവതാരം ചന്ദനംചാർത്ത് 17ന് സമാപിക്കും. ദിവസേന പ്രഭാതപൂജകളും വൈകിട്ട് 6.30ന് ദീപാരാധനയും നടക്കും. തന്ത്രി മുരളി നാരായണൻ, തോട്ടാമ​റ്റം മന നാരായണൻ നമ്പൂതിരിപ്പാട്, മേൽശാന്തി വാസുദേവൻ നമ്പൂതിരി എന്നിവർ മുഖ്യകാർമികരാകും. ഇന്ന് വൈകീട്ട് ദീപാരാധനയ്ക്കുശേഷം 7.30ന് ഡോ. എൻ.കെ.പ്രവീണിന്റെ ആദ്ധ്യാത്മിക പ്രഭാഷണം. നാളെ ഉച്ചയ്ക്ക് 12ന് പ്രസാദ ഊട്ട്, 6.30ന് ദീപാരാധന, 7.30ന് പുല്ലാങ്കുഴൽ കച്ചേരി.