പെരുമ്പാവൂർ: ഡി.സി.സി, പഞ്ചായത്ത് അംഗമായിരുന്ന കെ. എസ്. കുഞ്ഞുമുഹമ്മദിന്റെ 10-ാം ചരമ വാർഷികത്തോടനുബന്ധിച്ച് കോൺഗ്രസ് വെങ്ങോല മണ്ഡലം കമ്മിറ്റിയുടെ ആഭിമുഖ്യത്തിൽ അനുസ്മരണ സമ്മേളനം നടത്തി. മണ്ഡലം പ്രസിഡന്റ് വി.എച്ച്.മുഹമ്മദിന്റെ അദ്ധ്യക്ഷതയിൽ നടന്ന അനുസ്മരണം ബ്ലോക്ക് ജനറൽ സെക്രട്ടറി എം.കെ.ഖാലിദ് ഉദ്ഘാടനം ചെയ്തു. ബ്ലോക്ക് ജനറൽ സെക്രട്ടറിമാരായ എം.എം. ഷാജഹാൻ, എം.പി.ജോർജ്, ബ്ലോക്ക് എക്‌സിക്യുട്ടീവ് അംഗം കെ.എസ്.കോമു, വെങ്ങോല മണ്ഡലം വൈസ് പ്രസിഡന്റ് എം.കെ.ഗോപകുമാർ, അറക്കപ്പടി മണ്ഡലം വൈസ് പ്രസിഡന്റ് കെ.എച്ച്.കുഞ്ഞബ്ദുള്ള, മണ്ഡലം ജനറൽ സെക്രട്ടറി എൻ.കെ.കാസിം എന്നിവർ സംസാരിച്ചു.