വൈപ്പിൻ: വൈപ്പിൻ ബസുകൾക്ക് കൊച്ചി നഗര പ്രവേശനം അനുവദിക്കണമെന്ന ആവശ്യമുന്നയിച്ച് മേഖലയിലെ സാംസ്കാരിക നായകർ മുഖ്യമന്ത്രിക്ക് ഈ-മെയിൽ നിവേദനം നൽകി. വൈപ്പിനിലെ റെസിഡന്റ്‌സ് അസോസിയേഷനുകളുടെ കേന്ദ്ര സംഘടനയായ ഫ്രാഗിന്റെ നേതൃത്വത്തിലെ സമരത്തിന് പിന്തുണ പ്രഖ്യാപിച്ചാണ് സാംസ്കാരിക ലോകത്തിന്റെ നടപടി.

ബാലസാഹിത്യകാരൻ സിപ്പി പള്ളിപ്പുറം, തിരക്കഥാകൃത്ത് ബെന്നി പി. നായരമ്പലം, സംവിധായകൻ ജിബു ജേക്കബ്, നടന്മാരായ മജീദ് എടവനക്കാട്,​ ഞാറക്കൽ ശ്രീനി, സംഗീത സംവിധായകൻ സെബി നായരമ്പലം, ഡോ.കെ.എസ്.പുരുഷൻ, സാഹിത്യകാരൻ ജോസഫ് പനക്കൽ എന്നിവരാണ് മുഖ്യമന്ത്രിക്ക് ഇ-മെയിൽ അയച്ചത്. ഗോശ്രീ ആക്ഷൻ കൗൺസിൽ ചെയർമാൻ മജ്‌നു കോമത്ത്, സംവിധായകൻ വ്യാസൻ എടവനക്കാട്, ചലച്ചിത്ര താരം പൗളി വത്സൻ, കവയിത്രി അമ്മിണി ടീച്ചർ, മജീഷ്യൻ പി.സി.ചന്ദ്രബോസ്, ദേശീയ അവാർഡ് ജോതാവായ അദ്ധ്യാപകൻ പി. പി. ജോഷി എന്നിവരും നിവേദനം നൽകിയിട്ടുണ്ട്.