പറവൂർ: പറവൂർ വടക്കേക്കര സർവീസ് സഹകരണ ബാങ്കിന്റെ സ്വരാജ് സ്വാശ്രയ ഗ്രൂപ്പുകളായ നവോദയ, നവധാന്യം എന്നിവ സംയുക്തമായി നടത്തിയ ചെണ്ടുമല്ലിക്കൃഷിയുടെ വിളവെടുപ്പ് നടത്തി. ബാങ്ക് പ്രസിഡന്റ് എ.ബി. മനോജ് ഉദ്ഘാടനം ചെയ്തു. കെ.എച്ച്. ശിവപ്രസാദ് അദ്ധ്യക്ഷത വഹിച്ചു. കുട്ടികൾക്ക് പച്ചക്കറി വിത്തുകൾ വിതരണം ചെയ്തു. ബാങ്ക് സെക്രട്ടറി കെ.എസ്. ജയ്‌സി, ഭരണസമിതി അംഗം പി.എൻ. വിജയൻ എന്നിവർ സംസാരിച്ചു.