പറവൂർ: താമസമില്ലാത്ത വീടിന്റെ ടെറസിനു മുകളിൽ പന്ത്രണ്ട് പ്ലാസ്റ്റിക് കന്നാസുകളിലായി സൂക്ഷിച്ചിരുന്ന 360 ലീറ്റർ സ്പിരിറ്റ് പിടികൂടി. സംഭവത്തിൽ വീട് സൂക്ഷിപ്പുകാരനായ തുരുത്തിപ്പുറം പടമാട്ടുമ്മൽ ജോസഫ് ടോണിയെ (35) അറസ്റ്റ് ചെയ്തു. സ്പിരിറ്റ് സൂക്ഷിക്കാൻ ഏൽപ്പിച്ച അറപ്പാട്ട് വീട്ടിൽ ദീപുവിനെതിരെ കേസെടുത്തിട്ടുണ്ട്.

ദീപുവിനെ പിടികൂടിയട്ടില്ല. രഹസ്യവിവരത്തിന്റെ അടിസ്ഥാനത്തിൽ പറവൂർ റേഞ്ച് അസിസ്റ്റന്റ് എക്സൈസ് ഇൻസ്പെക്ടർ കെ. ബിജുവിന്റെ നേതൃത്വത്തിലാണ് റെയ്ഡ് നടത്തിയത്. തുരുത്തിപ്പുറം ബേക്കറി കവലയിൽ വേലിക്കകത്തുട്ട് ഫിലോമിന ജോർജിന്റെ ഉടമസ്ഥതയിലുള്ള വീടാണ്.