കിഴക്കമ്പലം: തൊഴിലുറപ്പ് തൊഴിലാളികളുടെ തൊഴിൽദിനം വെട്ടിക്കുറച്ച കേന്ദ്രസർക്കാർ നടപടിയിൽ പ്രതിഷേധിച്ച് ഐ.എൻ.ടി.യു.സി കുന്നത്തുനാട് മണ്ഡലംകമ്മിറ്റിയുടെ നേതൃത്വത്തിൽ കുമാരപുരം പോസ്​റ്റ്ഓഫീസിലേക്ക് പ്രതിഷേധമാർച്ചും ധർണയും നടത്തി. കെ.പി.സി.സി വൈസ് പ്രസിഡന്റ് വി.പി. സജീന്ദ്രൻ ഉദ്ഘാടനം ചെയ്തു. മണ്ഡലംപ്രസിഡന്റ് പി.വി. സുകുമാരൻ അദ്ധ്യക്ഷനായി. പോൾസൺ പീ​റ്റർ, കെ.എ. വർഗ്ഗീസ്, അനു അച്ചു, എം.കെ. വർഗീസ്, ടി.ജി. പങ്കജാക്ഷൻ, ജയൻ വെമ്പിള്ളി ,എം.പി. യൂനസ് ,മായവിജയൻ നൗഷാദ്, ഇ.എം. നവാസ് തുടങ്ങിയവർ സംസാരിച്ചു.