മൂവാറ്റുപുഴ: പുരോഗമന കലാ സാഹിത്യ സംഘം മൂവാറ്റുപുഴ മേഖലാ കമ്മിറ്റിയുടെ നേതൃത്വത്തിൽ ഇന്ന് രാവിലെ 9.30 മുതൽ വൈകിട്ട് 5.30 വരെ മൂവാറ്റുപുഴ അർബൻ ബാങ്ക് ഓഡിറ്റോറിയത്തിൽ ശില്പശാല നടക്കും. ഇന്ത്യൻ സാംസ്കാരിക ചരിത്രം എന്നവിഷയത്തിൽ ഡോ.കെ.ജി.പൗലോസ് , സ്ത്രീ -സത്വവും സമൂഹവും എന്ന വിഷയത്തിൽ വി.എസ്.ബിന്ദു, കലയും സൗന്ദര്യ ശാസ്ത്രവും എന്ന വിഷയത്തിൽ ഡോ.സി.ബി. സുധാകരൻ എന്നിവർ ക്ലാസെടുക്കും. സമാപന സമ്മേളനത്തിൽ ജയകുമാർ ചെങ്ങമനാട്, ജോഷി ഡോൺ ബോസ്കോ, ജോസ് കരിമ്പന, കുമാർ കെ. മുടവൂർ എന്നിവർ സംസാരിക്കും.