കൊച്ചി: അയ്യപ്പൻകാവ് ദി തൃക്കണാർവട്ടം സമുദായ സേവാ സംഘത്തിന്റെ നേതൃത്വത്തിൽ എസ്.എസ്.എൽ.സി, പ്ലസ്ടു പരീക്ഷകളിൽ വിജയിച്ച കുട്ടികൾക്കുള്ള തൃക്കൺണാ‌ർവട്ടം വിദ്യാമിക് 2022 കാഷ് അവാർഡും പുരസ്കാരവും സമ്മാനിച്ചു. ഡെപ്യൂട്ടി കളക്ടർ പി.ബി. സുനിൽ ലാൽ അവാർഡ് വിതരണം ഉദ്ഘാടനം ചെയ്തു. സംഘം ചെയർമാൻ എം.എൻ. അനിൽകുമാർ അദ്ധ്യക്ഷത വഹിച്ചു. ശ്രീനാരായണ ധർമ്മ സമാജം പ്രസിഡന്റ് സി.എം. ശോഭനൻ, ശ്രീനാരായണ ഹയർ സെക്കൻഡറി സ്കൂൾ മാനേജർ അഡ്വ. സി.ആർ. പ്രമോദ്, സംഘം അംഗങ്ങളായ എ.കെ. അനിൽകുമാർ, എം.ബി. സത്യൻ, വി.ജെ. അശ്വതി എന്നിവർ വിവിധ അവാർഡുകൾ വിതരണം ചെയ്തു.