മൂവാറ്റുപുഴ: മാലിന്യനീക്കം നിരീക്ഷിക്കുന്നതിന് മൂവാറ്റുപുഴ നഗരസഭയിൽ ഹരിതമിത്രം സ്മാർട്ട് ഗാർബേജ് മോണിറ്ററിംഗ് സിസ്റ്റത്തിന് തുടക്കം കുറിച്ചു. നഗരസഭയിലെ മുഴുവൻ വീടുകളിലും സ്ഥാപനങ്ങളിലും ക്യു.ആർ കോഡ് സ്ഥാപിക്കുന്നതിന്റെ ഉദ്ഘാടനം മൂവാറ്റുപുഴ എസ്.എച്ച്. കോൺവന്റിൽ നഗരസഭാ ചെയർമാൻ പി.പി. എൽദോസ് നിർവഹിച്ചു. വൈസ് ചെയർപേഴ്സൺ സിനി ബിജു അദ്ധ്യക്ഷത വഹിച്ചു. വാർഡ് കൗൺസിലർ ജിനു ആന്റണി മടേക്കൽ, ആരോഗ്യവിഭാഗം സ്റ്റാൻഡിംഗ് കമ്മിറ്റി ചെയർമാൻ പി.എം.അബ്ദുൽസലാം, നഗരസഭ ഹെൽത്ത് സൂപ്പർവൈസർ ഇ.കെ.സഹദേവൻ, സിസ്റ്റർ ഗ്ലോറി, കൗൺസിലർമാരായ അമൽ ബാബു, ജോളി മണ്ണൂർ തുടങ്ങിയവർ പങ്കെടുത്തു .