ആലങ്ങാട്: നീറിക്കോട് മുസ്ലിം ജമാഅത്ത് കമ്മിറ്റി പുതുതായി നിർമ്മിച്ച മസ്ജിദ് കോംപ്ലക്‌സ് മന്ത്രി പി. രാജീവ് ഉദ്ഘാടനം ചെയ്തു. താക്കോൽ ദാനവും മന്ത്രി നിർവഹിച്ചു. മഹല്ല് പ്രസിഡന്റ് പി.കെ. നസീർ അദ്ധ്യക്ഷത വഹിച്ചു. സംസ്ഥാന ഹജ്ജ് കമ്മിറ്റി ചെയർമാൻ സി. മുഹമ്മദ് ഫൈസി,​ പഞ്ചായത്ത് പ്രസിഡന്റ് പി.എം.മനാഫ്, അംഗം വി.ബി.ജബ്ബാർ, മുൻ പഞ്ചായത്ത് പ്രസിഡന്റ് എം.കെ. ബാബു, മഹല്ല് ഖതീബ് കെ.എ. യൂസഫ് സഖാഫി, നസീർ സഅദി, യൂസഫ് മൗലവി, എ.ഇല്യാസ് മുസലിയാർ, കുഞ്ഞുമുഹമ്മദ് സഖാഫി, പി.എം. അഹമ്മദ്, എം.എ.സിറാജുദ്ദീൻ, വി.എസ്.നൗഷാദ് എന്നിവർ സംസാരിച്ചു.