കൊച്ചി: ആലുവ സബ് ജയിൽ റോഡിൽ സ്ഥിതിചെയ്യുന്ന ഗവ. പ്രീ എക്‌സാമിനേഷൻ ട്രെയിനിംഗ് സെന്ററിൽ എറണാകുളം, കോട്ടയം, ഇടുക്കി, ആലപ്പുഴ ജില്ലകളിലുളള പട്ടികജാതി,​ പട്ടികവർഗ വിഭാഗ വിദ്യാർത്ഥികൾക്ക് പി.എസ്.സി ഡിഗ്രിതല പരീക്ഷകൾക്ക് സൗജന്യ പരിശീലനം നൽകും.

ഒരു ലക്ഷത്തിൽ താഴെ വരുമാനമുളള ഒ.ബി.സി,​ ഒ.ഇ.സി വിഭാഗത്തിൽപ്പെട്ടവർക്ക് 30 ശതമാനം സീറ്റ് അനുവദനീയമാണ്. പരിശീലനത്തിന് തിരഞ്ഞെടുക്കുന്ന പട്ടിക ജാതി/പട്ടിക വർഗ വിഭാഗ വിദ്യാർത്ഥികൾക്ക് ഹാജർ നിലവാരത്തിന്റെ അടിസ്ഥാനത്തിൽ സ്‌റ്റൈപ്പന്റ് ലഭിക്കും. വിദ്യാർത്ഥി ഫോട്ടോ, ജാതി, വരുമാനം (ഒ.ബി.സി/ഒ.ഇ.സി) എന്നിവയുടെ സർട്ടിഫിക്കറ്റ്, പി.എസ്.സി ഓൺലൈൻ ആപ്ലിക്കേഷന്റെ പകർപ്പ് സഹിതം ഓഫീസിൽ സമർപ്പിക്കണം. അവസാന തീയതി സെപ്തംബർ 26. കൂടുതൽ വിവരങ്ങൾക്ക് ഫോൺ: 04842623304.