ഓട്, ചെമ്പ്, ഈയം തുടങ്ങിയവയാൽ നിർമ്മിച്ച പഴയ വസ്തുക്കൾ വീടുകളിൽ ഉപയോഗശൂന്യമായി കൂട്ടിയിട്ടിരിക്കുന്നതിന്ന് പതിവുകാഴ്ചയാണ്. ഓട്ടുവിളക്ക്, പാത്രങ്ങൾ, ഉരുളി, നിലവിളക്കുകൾ മുതലായ പഴമയെ ഓർമ്മിപ്പിക്കുന്ന വസ്തുക്കൾ കാണാൻ അഭംഗി വന്നു, കളർ നഷ്ടപ്പെട്ടു ,പഴകിപ്പോയി തുടങ്ങിയ കാരണങ്ങളാൽ വലിച്ചെറിയുന്നതിന്ന് കാണാൻ കഴിയും. പഴയവയെ പാടെ ഉപേക്ഷിക്കുന്ന സമൂഹത്തിൽ പഴമയ്ക്ക് പ്രാധാന്യം നൽകുന്നവരുമുണ്ട്. പുത്തനാക്കാൻ കഴിയുന്നവയെ എന്തിനിനി പുറത്തുകളയണം.
വൃത്തിയാക്കാൻ എന്തെല്ലാം വഴികൾ
വസ്തുക്കൾ കഴുകുമ്പോൾ ചർമ്മത്തിനേതെങ്കിലും വിധ അലർജികളുള്ളവർ കൈ ഉറകൾ ഉപയോഗിക്കുന്നത് നല്ലതാണ്. വൃത്തിയാക്കുന്നതിന് കട്ടിയുള്ളതോ സ്റ്റീൽ കൊണ്ടുള്ളതുമായ സ്ക്രബറുകൾ ഉപയോഗിക്കാതിരിക്കുന്നതാണ് നല്ലത്. അല്ലാത്തപക്ഷം വസ്തുക്കളിൽ ഉരച്ചിൽ വീഴാൻ സാദ്ധ്യതയുണ്ട്. അതിനാൽ തേങ്ങയുടെ ചകിരിയോ വാഴ നാരോ ഉപയോഗിക്കാം.