കുമളി: 'പോഷകബാല്യം കുട്ടികുരുന്നുകൾക്ക് ഇരട്ടികരുത്ത്' പദ്ധതിയുടെ കുമളി ഗ്രാമ പഞ്ചായത്ത് തല ഉദ്ഘാടനം പളിയകുടി ഇഡിസി കെട്ടിടത്തിൽ വാഴൂർ സോമൻ എം.എൽ.എ നിർവഹിച്ചു. കുട്ടികൾ ആരോഗ്യത്തോടെ വളർന്നാൽ മാത്രമേ രാജ്യത്തെ ശക്തമായി നയിക്കാൻ കഴിയുകയുള്ളുവെന്നും സമൂഹത്തിന്റെ ഉന്നമനത്തിനുള്ള പ്രവർത്തികളാണ് സർക്കാർ നടപ്പിലാക്കുന്നതെന്നും അദ്ദേഹം പറഞ്ഞു. ഗ്രാമ പഞ്ചായത്ത് പ്രസിഡന്റ് ശാന്തി ഷാജിമോൻ അദ്ധ്യക്ഷത വഹിച്ചു.
ആരോഗ്യ വിദ്യാഭ്യാസ സ്റ്റാൻഡിങ് കമ്മറ്റി ചെയർമാൻ കെ.എം. സിദ്ദിഖ്, വികസനകാര്യ സ്റ്റാൻഡിങ് കമ്മറ്റി ചെയർപേഴ്‌സൻ രജനി ബിജു, ക്ഷേമ കാര്യ സ്റ്റാൻഡിങ് കമ്മറ്റി ചെയർപേഴ്‌സൻ നോളി ജോസഫ്, പഞ്ചായത്ത് അംഗം വിനോദ് ഗോപി, ഐസിഡിഎസ് സൂപ്പർവൈസർമാർ, ഊരു മൂപ്പൻ അരുവി, അങ്കണവടി അധ്യാപകർ, വിദ്യാർത്ഥികൾ തുടങ്ങിയവർ പങ്കെടുത്തു.