നെടുങ്കണ്ടം : പാറമടയിലെ ഉപകരണങ്ങൾ മോഷ്ടിച്ച് കടത്തിയ കേസിൽ പ്രതി പിടിയിൽ. അന്യാർതൊളു ശാന്തിഭവൻ കനകരാജ് (60) ആണ് പിടിയിലായത്. ജൂലായ് 26 ന് രാത്രിയിലാണ് മോഷണം നടന്നത്. പാറമടയിലെ ജീവനക്കാരനായ കനകരാക് മോഷണം നടത്തുന്ന സിസിടിവി ദൃശ്യങ്ങളും പൊലീസിന് ലഭിച്ചു.പാറമടയിൽ ഉപയോഗിക്കുന്ന വടവും കട്ടറുമാണ് കനകരാജ് കവർന്നത്. കമ്പംമെട്ട് സിഐ വി.എസ്.അനിൽകുമാർ, എസ്‌ഐ അശോകൻ, ഉദ്യോഗസ്ഥരായ ജോസഫ്, സജി രാജ്, അൻഷാദ് എന്നിവരടങ്ങുന്ന സംഘമാണ് പ്രതിയെ പിടികൂടിയത്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി.