അടിമാലി: എസ്.എൻ.ഡി.പി.യോഗം അടിമാലി യൂണിയന്റെ ആഭിമുഖ്യത്തിൽ 67-ാമത് വിവാഹപൂർവ്വകൗൺസിലിംഗ് കോഴ്‌സ് 6, 7തീയതികളിൽ അടിമാലി യൂണിയൻ ആഡിറ്റോറിയത്തിൽ നടത്തുമെന്ന് യൂണിയൻ സെക്രട്ടറി കെ.കെ. ജയൻ അറിയിച്ചു.
രണ്ട് ദിവസങ്ങളിലായി നടക്കുന്ന വിവാഹപൂർവ്വ കൗൺസിലിംഗിൽ പ്രീത് ഭാസ്‌കർ, കൊടുവഴങ്ങ ബാലകൃഷ്ണൻ, ഡോ.ശരത്ത്, രാജേഷ് പൊൻമല തുടങ്ങിയവർ ക്ലാസ്സുകൾ നയിക്കും.
6 ന് രാവിലെ 9.30 ന് യൂണിയൻ ആക്ടിംഗ്പ്രസിഡന്റ് സുനു രാമകൃഷ്ണന്റെ അദ്ധ്യക്ഷതയിൽ നടക്കുന്ന സമ്മേളനത്തിൽ യൂണിയൻ സെക്രട്ടറി കെ.കെ. ജയൻ, നിയുക്ത യോഗം ബോർഡ് മെമ്പർ അഡ്വ.നൈജു രവീന്ദ്രനാഥ് യൂണിയൻ കൗൺസിലർമാരായ മോഹനൻ തലച്ചിറ, വിക്രമൻ സി വി, ബിനു കെ ജി., വിജയൻ പി.വി, മനോജ്കുമാർ, യൂത്ത്മൂവ്‌മെന്റ് യൂണിയൻ പ്രസിഡന്റ് കിഷോർ എസ്, സെക്രട്ടറി ബാബുലാൽ, വനിതാസംഘം യൂണിയൻ പ്രസിഡന്റ് കമലകുമാരി ബാബു, സെക്രട്ടറി ജെസ്സി ഷാജിതുടങ്ങിയവർ പങ്കെടുക്കും.