രാജാക്കാട് : കൊച്ചി -മധുര റെയിൽവേ രാജാക്കാട് വഴി അനുവദിക്കണമെന്ന ആവശ്യവുമായി എൻ.സി.പി ജില്ല സെക്രട്ടറി സി.കെ വിജയൻ രാജാക്കാട് ടൗണിൽ ഒറ്റയാൾ സമരം നടത്തി.വ്യവസായ നഗരമായ കൊച്ചിയിൽ നിന്നും തമിഴ്‌നാട്ടിലേക്ക് ചരക്കുനീക്കം നടത്തുന്നതിന് വളരെ ഉപകാരപ്രദമായ പാതയാണ് കൊച്ചി -മധുര റെയിൽവേ ലൈൻ. ആവശ്യമായ സ്ഥലങ്ങളിൽ
കൊങ്കൺ റെയിൽവേ മാതൃകയിൽ തുരങ്കമുണ്ടാക്കി വളരെ എളുപ്പത്തിൽ പണി പൂർത്തിയാക്കി,കൊച്ചിയിൽ നിന്നും മധുരയിലേക്ക് കേവലം മൂന്നര മണിക്കൂറിൽ താഴെ സമയത്തിൽ എത്താവുന്ന ദൂരം വരുന്ന റെയിൽവേ ലൈൻ അനുവദിക്കുന്നതിന് കേന്ദ്ര സർക്കാരും,റെയിൽവേ ബോർഡും അടിയന്തിരമായി ഇടപെട്ട് വേണ്ട പഠനങ്ങൾ നടത്തി ഹൈറേഞ്ച് മേഖലയുൾപ്പെടുന്ന നാണ്യവിളകളുടെ കേന്ദ്രത്തിലൂടെ ട്രെയിൻ സർവ്വീസ് ആരംഭിക്കാൻ നടപടി സ്വീകരിക്കണമെന്ന് കാട്ടി റെയിൽവേ അധികൃതർക്കും, ഡീൻ കുര്യാക്കോസ് എം.പി ക്കും അപേക്ഷ സമർപ്പിച്ചിട്ടുണ്ടെന്ന് വിജയൻ പറഞ്ഞു