തൊടുപുഴ: രാഷ്ട്രീയമണ്ഡലത്തിലെ മൂല്യച്യുതി പരിഹരിക്കുവാൻ സേവനമനോഭാവത്തിലധിഷ്ഠിതമായ ഗാന്ധിയൻ രാഷ്ട്രീയ സംസ്‌ക്കാരം വീണ്ടെടുക്കണമെന്ന് കോൺഗ്രസ്സ് എസ് സംസ്ഥാന പ്രസിഡന്റ് രാമചന്ദ്രൻ കടന്നപ്പള്ളി അഭിപ്രായപ്പെട്ടു.
സംസ്ഥാന ജനറൽ സെക്രട്ടറി പി.ജി. ഗോപിയുടെ അദ്ധ്യക്ഷതയിൽ ചേർന്ന ജില്ലാ നേതൃയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
യോഗത്തിൽ പി.കെ. വിനോദ്, അനിൽ രാഘവൻ, കെ.കെ. ഭാസ്‌ക്കരൻ, സി.എം. അസ്സീസ്, ഹരികുമാർ തോപ്പിൽ, സി.എം. അസ്സീസ്, എബ്രാഹം ജോർജ്ജ്, ഷിബു ജോസഫ്, രവി കരിങ്കുന്നം, ദിലീപ് പുത്തിരി, പ്രഭാകരൻ തുടങ്ങിയവർ പ്രസംഗിച്ചു.