കട്ടപ്പന: ബ്ലോക്ക് പഞ്ചായത്ത് പ്രസിഡന്റായി എൽ.ഡി.എഫിലെ മനോജ് എം.ടിയെ എതിരില്ലാതെ തിരഞ്ഞെടുത്തു. 13ാം വാർഡ് വളകോട് ഡിവിഷനിൽ നിന്നുള്ള സി.പി.ഐ പ്രതിനിധിയാണ് മനോജ് . ഇനിയുള്ള 18 മാസക്കാലം മനോജ് ബ്ലോക്ക് പഞ്ചായത്ത് പ്രസിഡന്റ് പദവി വഹിക്കും. മുൻ പ്രസിഡന്റ് ജോസ് സ്‌കറിയ കണ്ണമുണ്ടയിൽ മുന്നണി ധാരണ പ്രകാരം രാജിവച്ചതിനെ തുടർന്നാണ് തിരഞ്ഞെടുപ്പ് നടത്തിയത്. വരണാധികാരി ഡെപ്യൂട്ടി കലക്ടർ മനോജ് കെ.യുടെ മേൽനോട്ടത്തിലായിരുന്നു തിരഞ്ഞെടുപ്പ്. വി.പി. ജോണാണ് മനോജ് എം.ടി.യുടെ പേര് നിർദ്ദേശിച്ചത്. തുടർന്ന് മുൻ പ്രസിഡന്റ് ജോസ് സ്‌കറിയ കണ്ണമുണ്ടയിൽ പിന്താങ്ങി.
. ബ്ലോക്ക് പഞ്ചായത്ത് പ്രസിഡന്റിനെ വാഴൂർ സോമൻ എം.എൽ.എ നേരിട്ടെത്തി അനമോദിച്ചു.
തിരഞ്ഞെടുപ്പിന് ശേഷം ബ്ലോക്ക് പഞ്ചായത്ത് ഹാളിൽ നടന്ന അനമോദന യോഗത്തിൽ ബി.ഡി.ഒ ജോസുകുട്ടി മാത്യു അധ്യക്ഷത വഹിച്ചു. ജില്ലാ പഞ്ചായത്ത് അംഗം ആശ ആന്റണി, ബ്ലോക്ക് പഞ്ചായത്ത് വൈസ് പ്രസിഡന്റ് അന്നമ്മ ജോൺസൻ, മുൻ പ്രസിഡന്റ് ജോസ് സ്‌കറിയ കണ്ണമുണ്ടയിൽ, ഡെപ്യൂട്ടി തഹസീൽദാർ അജിത് എഡ്വേഡ്, ബ്ലാക്ക് പഞ്ചായത്ത് പ്രതിനിധികൾ തുടങ്ങിയവർ പങ്കെടുത്തു.