തൊടുപുഴ: കേന്ദ്ര തൊഴിൽ നൈപുണ്യ വികസന മന്ത്രാലയത്തിന്റെ കീഴിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോഴിക്കോട് ജില്ലകളിൽ പ്രവർത്തിക്കുന്ന ഇന്ത്യ ഇന്റർനാഷണൽ സ്‌കിൽ സെന്ററിന്റെ ആഭിമുഖ്യത്തിൽ പ്ലസ്ടു പൂർത്തിയായ വിദ്യാർത്ഥികൾക്ക് ജർമ്മനിയിൽ നഴ്‌സിങ്, ഹോസ്പിറ്റാലിറ്റി എന്നിവയിൽ ജോലിയോടൊപ്പം പഠനം എന്ന പ്രോഗ്രാമിലേക്ക് അപേക്ഷകൾ ക്ഷണിക്കുന്നു. പഠിക്കുന്ന കാലയളവിൽ പ്രതിമാസം ഒരു ലക്ഷം രൂപ സ്റ്റൈപെൻഡ് ലഭിക്കും. സെന്ററുകളിൽ നടക്കുന്ന, സൗജന്യ ഹയർ എഡ്യൂക്കേഷൻ കരിയർ ഗൈഡൻസിൽ പ്ലസ്ടു പൂർത്തിയാക്കിയ വിദ്യാർത്ഥികൾക്ക് പങ്കെടുക്കാം. തിരഞ്ഞെടുക്കപ്പെടുന്ന വിദ്യാർത്ഥികൾക്ക് സൗജന്യ ജർമ്മൻ ഭാഷാ പരിശീലനം നൽകും. അപേക്ഷിക്കേണ്ട അവസാന തീയതി സെപ്തംബർ 15. ബന്ധപ്പെടേണ്ട നമ്പർ: 9037208477, 8138025058.