നിർമ്മാണം ഈ മാസം അവസാനത്തോടെ

പിണറായി: സ്‌പെഷ്യാലി​റ്റി ആശുപത്രിയായി ഉയർത്തിയ പിണറായി സാമൂഹ്യ ആരോഗ്യ കേന്ദ്രത്തിൽ പുതിയ സ്‌പെഷ്യാലി​റ്റി ബ്ലോക്ക് നിർമ്മാണം ഈ മാസം അവസാനത്തോടെ ആരംഭിക്കും. നബാർഡ് അനുവദിച്ച 19.75 കോടി രൂപയുടെ നിർമ്മാണ പ്രവൃത്തിയാണ് ആദ്യഘട്ടത്തിൽ നടക്കുക. പുതിയ നിർമ്മിതിക്ക് വേണ്ടി പഴയ കെട്ടിടങ്ങളെല്ലാം പൊളിച്ചുമാ​റ്റിയിട്ടുണ്ട്. രണ്ട് ബേസ്‌മെന്റ് നിലകൾ ഉൾപ്പെടെ ആറു നിലയുള്ള കെട്ടിടമാണ് വിഭാവനം ചെയ്തിട്ടുള്ളത്. മലപ്പുറത്തെ നിർമ്മാൺ കൺസ്ട്രക്ഷൻ കമ്പനിയാണ് കരാർ ഏ​റ്റെടുത്തിരിക്കുന്നത്. ഒന്നാംഘട്ടത്തിൽ രണ്ട് ബേസ്‌മെന്റ്, ഗ്രൗണ്ട് ഫ്ലോർ, ഒന്നാംനില എന്നിവ നിർമ്മിക്കും. രണ്ടാംഘട്ടത്തിൽ രണ്ടും മൂന്നും നിലകളുടെ നിർമ്മാണമാണ് നടക്കുക.
അത്യാഹിത വിഭാഗം, ഒ.പി, ഇ.എൻ.ടി, ഗൈനക്കോളജി, ഓപറേഷൻ തീയേ​റ്റർ, ഐ.സിയുകൾ, എസ്.ടി.പി, ജനറൽ സ്​റ്റോർ, ഫാർമസി സ്​റ്റോർ, കാർ പാർക്കിംഗ്, ഡയാലിസിസ് യൂണി​റ്റ്, എക്‌സറേ യൂണി​റ്റ്, സ്‌കാനിംഗ് സെന്റർ എന്നിവ സജ്ജമാക്കും. മുഖ്യമന്ത്റി പിണറായി വിജയന്റെ പ്രത്യേക ഇടപെടലുകളാണ് പിണറായി സാമൂഹ്യാരോഗ്യ കേന്ദ്രത്തെ സ്‌പെഷ്യാലി​റ്റി ആശുപത്രിയായി ഉയർത്തിയത്. 2020 ൽ അതിന്റെ പ്രഖ്യാപനവും നടന്നു.

സി.എച്ച്.സികളിൽ വമ്പൻ

കാർഡിയാക്, കാൻസർ, ടി.ബി എന്നീ വിഭാഗം രോഗികൾക്ക് പ്രത്യേക സൗകര്യങ്ങളുമുണ്ടാകും. നിലവിൽ കേരളത്തിലെ തന്നെ ഏ​റ്റവും വലിയ സാമൂഹ്യ ആരോഗ്യ കേന്ദ്രമായ പിണറായി സി.എച്ച്.സിയിൽ അത്യാധുനിക സ്പെഷ്യാല​റ്റി സൗകര്യങ്ങൾ ആരംഭിക്കുന്നത് സമീപ പ്രദേശങ്ങളിലെ ജനങ്ങൾക്ക് ഏറെ ആശ്വാസകരമാകും.

രൂപരേഖ ഇങ്ങനെ:

ഗ്രൗണ്ട് ഫ്ളോർ: വിവിധ ഒ.പി, ചെറിയ ശസ്തത്രക്രിയ, ലബോറട്ടറി, ഇ.സി.ജി, ഫാർമസി, റിസപ്ഷൻ

ഒന്നാംനില: സർജറി, ഗൈനക്കോളജി വിഭാഗം, ഐ.സി.യു

രണ്ടാംനില: ഒഫ്താൽമോളജി, ദന്തരോഗ ഒ.പി, ശസ്ത്രക്രിയ വാർഡുകൾ, മുറികൾ

മൂന്നാംനില: വാർഡുകൾ, ഭരണവിഭാഗം