@ സ്പെഷ്യൽസ്ക്വാഡ് രൂപീകരിച്ചു

കോഴിക്കോട്: ഓണം സീസണോടനുബന്ധിച്ച് വിപണിയിലെത്തുന്ന ഭക്ഷ്യ ഉത്പന്നങ്ങളുടെ ഗുണ മേന്മ പരിശോധിക്കാൻ സ്പെഷ്യൽ സ്ക്വാഡിനെ നിയോഗിച്ച് ഭക്ഷ്യസുരക്ഷാവകുപ്പ്. സീസൺ ആയതിനാൽ വലിയ രീതിയിലുള്ള ഇറക്കുമതി ഉണ്ടാകുന്നതിനാൽ മായം ചേർക്കാനുള്ള സാദ്ധ്യത മുന്നിൽകണ്ടാണ് സ്ക്വാഡ് രൂപീകരിച്ച് പരിശോധന ശക്തമാക്കാൻ കാരണം.

ഈ മാസം 29 മുതൽ സെപ്തംബർ 11 വരെയാണ് സ്പെഷ്യൽ സ്ക്വാഡ് പരിശോധനകളുണ്ടാവുക. ഭക്ഷ്യ സുരക്ഷാ ആക്ടിന് വിരുദ്ധമായി സാധനങ്ങൾ വിൽക്കുന്നവർക്കെതിരെ കർശന നടപടികളെടുക്കാനാണ് വകുപ്പ് നിർദേശം. ലൈസൻസ് ഇല്ലാത്തവർക്കെതിരെയും രജിസ്റ്റർ ചെയ്യാത്തവർക്കെതിരെയും നടപടികളെടുക്കും. ലേബൽ വിവരങ്ങൾ പൂർണമായിട്ടല്ലാതെ വിൽപ്പനയ്ക്ക് വെച്ചിരിക്കുന്ന ഭക്ഷ്യവസ്തുക്കളും പരിശോധനയ്ക്ക് വിധേയമാക്കും.

രണ്ട് അംഗങ്ങളുള്ള മൂന്ന് സ്ക്വാഡുകൾ വീതമാണ് പരിശോധന നടത്തുക. ഓണം സീസണിൽ കൂടുതലായും വിറ്റുപോകുന്ന പാൽ, പായസകിറ്റ്, ശർക്കര, വെളിച്ചണ്ണ, പപ്പടം, നെയ്യ്, അരി, പച്ചക്കറികൾ, പഴങ്ങൾ എന്നിവയ്ക്കാകും പ്രധാനമായും പരിശോധന ഉണ്ടാവുക. ഭക്ഷ്യ നിർമാണ കേന്ദ്രങ്ങളിലും മാർക്കറ്റുകളിലും ബേക്കറികളിലും ഹോട്ടലുകളിലും പരിശോധന നടത്തും. തമിഴ്നാട്, കർണാടക, ആന്ധ്രാപ്രദേശ് എന്നീ അയൽസംസ്ഥാനങ്ങളിൽ നിന്നുമാണ് വലിയരീതിയിൽ ഇറക്കുമതി ഉണ്ടാകുന്നത്. ഓണത്തോടനുബന്ധിച്ച് വഴിയരികിൽ വിൽക്കുന്ന പായസങ്ങളുടെ ഗുണമേന്മയും പരിശോധിക്കും.

ഓണത്തോടനുബന്ധിച്ച് താത്ക്കാലിക സ്റ്റാളുകൾ നടത്താൻ ഉദ്ദേശിക്കുന്നവർ ഭക്ഷ്യ സുരക്ഷാ രജിസ്‌ട്രേഷൻ / ലൈസൻസ് എടുക്കണം.

'പാ​ൽ,​ ​പാ​യ​സം​ ​കി​റ്റ് ​തു​ട​ങ്ങി​ ​ഓ​ണം​ ​സീ​സ​ണു​മാ​യി​ ​ബ​ന്ധ​പ്പെ​ട്ട​ ​എ​ല്ലാ​ ​ഭ​ക്ഷ്യ​ ​ഉ​ത്പ​ന്ന​ങ്ങ​ളു​ടെ​യും​ ​പ​രി​ശോ​ധ​ന​ ​ശ​ക്ത​മാ​ക്കാ​നാ​ണ് ​സ്പെ​ഷ്യ​ൽ​ ​സ്ക്വാ​ഡ് ​രൂ​പീ​ക​രി​ച്ച​ത്.​ ​ഓ​ണ​ത്തോ​ട​നു​ബ​ന്ധി​ച്ച് ​തു​ട​ങ്ങു​ന്ന​ ​സ്റ്റാ​ളു​ക​ളു​ടെ​ ​ലൈ​സ​ൻ​സും​ ​ര​ജി​സ്ട്രേ​ഷ​നും​ ​പ​രി​ശോ​ധി​ക്കും'. കെ.​കെ​ .അ​നി​ലൻ,​ അ​സി.​ക​മ്മി​ഷ​ണ​ർ​ ​ഫു​ഡ് ​സേ​ഫ്ടി കോ​ഴി​ക്കോ​ട്