വൈക്കം. ഒരു തരത്തിലുള്ള സർവാധിപത്യവും ലോകനന്മയ്ക്ക് ഉപകരിക്കില്ലെന്നും ഗാന്ധിയൻ തത്വ സിദ്ധാന്തമാണ് ലോക സമാധാനത്തിന് അനിവാര്യമെന്നും പി.ജി.എം നായർ കാരിക്കോട് അഭിപ്രായപ്പെട്ടു. എല്ലാവരും തന്നാൽ കഴിയുംവിധം സമാധാനത്തിനായി പ്രവർത്തിക്കണം. വൈക്കം ശ്രീമഹാദേവ കോളേജ് എൻ.എസ്.എസ് യൂണി​റ്റിന്റെ ആഭിമുഖ്യത്തിൽ നടന്ന ഹിരോഷിമാ ദിനം ഉദ്ഘാടനം ചെയ്യുകയായിരുന്നു അദ്ദേഹം. വൈസ് പ്രിൻസിപ്പൽ പി.കെ.നിതിയ അദ്ധ്യക്ഷത വഹിച്ചു. പ്രോഗ്രാം ഓഫീസർ ബിച്ചു എസ്. നായർ, ശ്യാമ ജി. നായർ, ശ്രീലക്ഷ്മി ചന്ദ്രശേഖർ, അശ്വിൻ പി.പി , മീനു, നവ്യ, അശ്വിൻ രാജ്, അഞ്ജലി സോമനാഥ്, സൂര്യദാസ് എന്നിവർ പ്രസംഗിച്ചു.