കോട്ടയം: ബാലികയെ പീഡിപ്പിച്ച കേസിൽ അന്യസംസ്ഥാന തൊഴിലാളി അറസ്റ്റിൽ. ആസാം സ്വദേശിയായ ഹൈദർ അലിയെ (27) ആണ് പാലാ പൊലീസ് അറസ്റ്റ് ചെയ്തത്. മറ്റൊരു അന്യസംസ്ഥാന തൊഴിലാളിയുടെ പ്രായപൂർത്തിയാകാത്ത മകളെ പ്രണയം നടിച്ച് വശത്താക്കി പീഡിപ്പിക്കുകയായിരുന്നു. പെൺകുട്ടിയെ കാണാനില്ലെന്ന് മാതാവ് പാലാ പൊലീസിൽ പരാതി നൽകിയതിനെ തുടർന്ന് കേസെടുത്ത് അന്വേഷണം നടത്തുന്നതിനിടയിലാണ് ഹൈദർ അലിയുടെ കൂടെ കണ്ടെത്തിയത്. പാലാ എസ്.എച്ച്.ഒ കെ.പി ടോംസൺ, സബ് ഇൻസ്‌പെക്ടർ ഷാജി സെബാസ്റ്റ്യൻ, സിവിൽ പൊലീസ് ഓഫീസർമാരായ ജോഷി മാത്യു, ബീനാമ്മ കെ.എസ് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.