വൈക്കം: താലൂക്ക് ലീഗൽ സർവീസസ് കമ്മി​റ്റിയും മൂത്തേടത്തുകാവ് എസ്.എൻ.എൽ.പി.സ്‌കൂളും ചേർന്ന് വിദ്യാർത്ഥികളെ എങ്ങനെ ചൂഷണത്തിൽ നിന്നും സംരക്ഷിക്കാം എന്ന വിഷയത്തിൽ ബോധവത്ക്കരണ ക്ലാസ് സംഘടിപ്പിച്ചു. ടി.വി.പുരം പഞ്ചായത്ത് സ്​റ്റാൻഡിംഗ് കമ്മറ്റി ചെയർമാൻ വി.കെ.ശ്രീകുമാർ ഉദ്ഘാടനം ചെയ്തു. മാനേജർ എം.ഡി.നടേശൻ അദ്ധ്യക്ഷത വഹിച്ചു. പാനൽ ലോയർ അഡ്വ. രമണൻ കടമ്പറ ക്ലാസ് നയിച്ചു. പ്രഥമാധ്യാപിക ദിവ്യ . ടി. ശശി, പാരാ ലീഗൽ വോളന്റിയർ സുശീല ടി.പി. , പി.ടി.എ. പ്രസിഡന്റ് കെ.എം.കണ്ണൻ, മാനേജ്‌മെന്റ് കമ്മറ്റിയംഗങ്ങളായ എം.എൻ അശോക് കുമാർ , കെ.എൻ.മോഹനൻ, ശശിധരൻ കാക്കാലം തറ, അദ്ധ്യാപകരായ പി.എൻ ഹെലന, പി.ആർ.സുബിൻ എന്നിവർ പ്രസംഗിച്ചു.