മോനിപ്പിള്ളി: എസ്.എൻ.ഡി.പി യോഗം 407 നമ്പർ മോനിപ്പിള്ളി ശാഖയുടെ നേതൃത്വത്തിൽ കുടുംബസംഗമം നടത്തി. ശ്രീനാരായണ പ്രാർത്ഥനാ ഹാളിൽ നടന്ന സംഗമം കടുത്തുരുത്തി യൂണിയൻ പ്രസിഡന്റ് എ.ഡി പ്രസാദ് ആരിശേരി ഉദ്ഘാടനം ചെയ്തു. ചിങ്ങം ഒന്ന് മുതൽ മഹാസമാധി വരെ വ്രതാനുഷ്ഠാനമായി ആചാരിക്കാൻ ശ്രീനാരായണ സമൂഹം തയ്യാറാവണമെന്ന് എ ഡി പ്രസാദ് പറഞ്ഞു. യോഗം കൗൺസിലർ സി.എം ബാബു അനുഗ്രഹ പ്രഭാഷണം നടത്തി. യൂണിയൻ വൈസ് പ്രസിഡന്റ് കെ എസ് കിഷോർകുമാർ, യോഗം ബോർഡ് മെമ്പർ ടി സി ബൈജു, യൂണിയൻ കൗൺസിലർ രാജൻ കപ്പിലാംകൂട്ടം എന്നിവർ പ്രസംഗിച്ചു. ചടങ്ങിൽ ശ്രീനാരായണ എംപ്ലോയീസ് ഫോറം സംസ്ഥാന വൈസ് പ്രസിഡന്റ് ബിജു പുളിക്കലേടത്ത് ആത്മീയ പ്രഭാഷണം നിർവഹിച്ചു. ശാഖാ ചെയർമാൻ പി കെ ബാബു അദ്ധ്യക്ഷത വഹിച്ചു. ശാഖ കൺവീനർ കെ എസ് ജയപ്രകാശ് സ്വാഗതവും കമ്മിറ്റിയംഗം സുബിൻ ബാബു നന്ദിയും പറഞ്ഞു.