വൈക്കം : സ്വാതന്ത്റ്യത്തിന്റെ എഴുപത്തിയഞ്ചാം വാർഷികം അമൃത മഹോത്സവമാക്കി വൈക്കം ശ്രീമഹാദേവ കോളേജ്. കോളേജ് ഡയറക്ടർ പി.ജി.എം.നായർ കാരിക്കോട് ദേശീയ പതാക ഉയർത്തി. കോളേജ് എൻ.എസ്.എസ് യൂണി​റ്റിന്റെ നേതൃത്വത്തിൽ ഫ്രീഡം വാൾ (സ്വാതന്ത്റ മതിൽ) നിർമ്മാണത്തിന്റെ ഭാഗമായി കാമ്പസിലെ മതിലുകളിൽ വൈക്കം സത്യാഗ്രഹത്തിന്റെയും ഇന്ത്യൻ സ്വാതന്ത്റ്യ സമരത്തിന്റെയും വിവിധ ദൃശ്യങ്ങൾ വിദ്യാർത്ഥികൾ വരച്ചു. ഫ്രീഡം വാൾ സമർപ്പണം മാനേജിംഗ് കമ്മി​റ്റി ചെയർമാൻ ടി.ആർ.എസ് മേനോൻ നിർവഹിച്ചു. എൻ.എസ്.എസ് പ്രോഗ്രാം ഓഫീസർ ബിച്ചു.എസ് നായർ അദ്ധ്യക്ഷത വഹിച്ചു. ചിത്രരചന, കവിതാ രചന, പ്രബന്ധരചന, പ്രസംഗ മത്സരം, ഡിബേ​റ്റ് , മൈം, ദേശഭക്തി ഗാനം, ദേശീയോത്ഗ്രഫന നൃത്തം തുടങ്ങി വിവിധ മത്സരങ്ങൾ നടത്തി. സ്‌ക്കിൽ എൻജ് എഡ്യൂവെഞ്ചർ അഗ്‌നിവീർ പരിശീലകർ സ്വാതന്ത്റ്യദിന ഡ്രിൽ നടത്തി. അഗ്‌നിവീർ ചീഫ് ട്രെയിനർ വി.ആർ.സി നായർ നേതൃത്വം നൽകി.

അരൂക്കു​റ്റി സീ ഒപ്റ്റിക്കൽസ് & ഐ ക്ലിനിക്കിന്റെ സഹകരണത്തോടെ വിപുലമായ നേത്രപരിശോധന ക്യാമ്പും സംഘടിപ്പിടിപ്പിച്ചു. 200 പേർക്ക് സൗജന്യ ചികിത്സ നൽകി. സെമിനാറും സംഘടിപ്പിച്ചു. തപസ്യ പ്രസിഡന്റ് പ്രൊഫ: പി ജി ഹരിദാസ് വിഷയാവതരണം നടത്തി. പ്രിൻസിപ്പാൾ ഡോ. എസ് ധന്യ ഉദ്ഘാടനം ചെയ്തു. വൈസ് പ്രിൻസിപ്പാൾ പി.കെ നിതിയ അദ്ധ്യക്ഷത വഹിച്ചു. വിദ്യാർത്ഥികളുടെ സാംസ്‌ക്കാരിക പരിപാടികളും അരങ്ങേറി. ഐ.ടി.ഇ പ്രിൻസിപ്പാൾ എം.സേതു നേതൃത്വം നൽകി. സ്വാതന്ത്റ്യ ദിനാഘോഷ പരിപാടികൾക്ക് സൊസൈ​റ്റി സെക്രട്ടറി എം.ശോണിമ, മാനേജർ ബി മായ, ഓം ഫൗണ്ടേഷൻ ചെയർമാൻ ആദർശ് എം നായർ, സ്റ്റാഫ് സെക്രട്ടറി ശ്രീലക്ഷ്മി.സി, സൂപ്രണ്ട് എം.എസ്.ശ്രീജ, എച്ച്.ആർ.എക്‌സിക്യൂട്ടീവ് ആഷ ഗിരീഷ്, വിവിധ വകുപ്പ് മേധാവികൾ എന്നിവർ നേതൃത്വം നൽകി.