വൈക്കം : സ്വാതന്ത്ര്യ സമരത്തിന്റെ 75ാം വാർഷികത്തോടനുബന്ധിച്ച് ആശ്രയ സന്നദ്ധ സേവന സംഘടനയുടെ നേതൃത്വത്തിൽ വിദ്യാർത്ഥികൾക്കായി ചിത്രരചന മത്സരം നടത്തി. ആശ്രമം സ്‌കൂളിൽ നടത്തിയ മത്സരത്തിൽ വിവിധ സ്‌കൂളുകളിൽ നിന്നായി ഇരുന്നൂറോളം വിദ്യാർത്ഥികൾ പങ്കെടുത്തു.

ലി​റ്ററേച്ചർ ഫോട്ടോഗ്രാഫർ ഡി.മനോജ് ഉദ്ഘാടനം നിർവഹിച്ചു. ആശ്രയ ചെയർമാൻ ഇടവട്ടം ജയകുമാർ അദ്ധ്യക്ഷത വഹിച്ചു. പി.എൻ.ശിവൻകുട്ടി, സി.സുരേഷ് കുമാർ , ബി.ചന്ദ്രശേഖരൻ , പി.കെ.മണിലാൽ, വി.അനൂപ്, വർഗ്ഗീസ് പുത്തൻചിറ , ശ്രീദേവി അനിരുദ്ധൻ, പി.ഡി.ബിജിമോൾ , സി.​റ്റി.ദേവദാസ് , ടി.പ്രദീപൻ , വൈക്കം ജയൻ , വി.റ്റി.സുനിമോൻ , ലീല ശശി, ബിനോയ് ദേവസ്യ എന്നിവർ പങ്കെടുത്തു.

ചിത്രരചന മത്സരത്തോടനുബന്ധിച്ച് 'ഇന്ത്യൻ സ്വാതന്ത്ര്യ സമരവും ഇന്ത്യയും' എന്ന വിഷയത്തെ അടിസ്ഥാനമാക്കി ക്വിസ് മത്സരവും നടത്തി. റിട്ട.എ.ഇ.ഒ .പി.എൻ ശിവൻകുട്ടി ക്വിസ് മത്സരത്തിന് നേതൃത്വം നൽകി. സെപ്തംബർ 6 ന് ആശ്രയയുടെ ഒന്നാം വാർഷികത്തോടനുബന്ധിച്ച് നടക്കുന്ന സമ്മേളനത്തിൽ വിജയികൾക്ക് സമ്മാനങ്ങൾ വിതരണം ചെയ്യും.