കോട്ടയം: ജില്ലയിൽ വർദ്ധിച്ചുവരുന്ന തെരുവുനായ ആക്രമണം തടയാൻ ജില്ലാ ഭരണകൂടം അടിയന്തിരനടപടി സ്വീകരിക്കണമെന്ന് ആവശ്യപ്പെട്ട് യൂത്ത്ഫ്രണ്ട് ജില്ലാ കമ്മിറ്റിയുടെ നേത്യത്വത്തിൽ ഇന്ന് 11ന് കോട്ടയം കളക്ടറേറ്റിന് മുന്നിൽ പ്രതിഷേധധർണ നടത്തും. യു.ഡി.എഫ് ജില്ലാ ചെയർമാൻ സജി മഞ്ഞക്കടമ്പിൽ ധർണ ഉദ്ഘാടനം ചെയ്യും. യൂത്ത് ഫ്രണ്ട് ജില്ലാ പ്രസിഡന്റ് ഷിജു പാറയിടുക്കിൽ അദ്ധ്യക്ഷത വഹിക്കും. യൂത്ത് ഫ്രണ്ട് സംസ്ഥാന പ്രസിഡന്റ് അജിത് മുതിരമല മുഖ്യപ്രസംഗം നടത്തും. യുത്ത് ഫ്രണ്ട് സംസ്ഥാന, ജില്ലാ നേതാക്കൾ പങ്കെടുക്കുമെന്ന് ജില്ലാ ഓഫീസ്ചാർജ് ജനറൽ സെക്രട്ടറി അഭിലാഷ് കൊച്ചുപറമ്പിൽ അറിയിച്ചു.