വൈക്കം : വനിതാ സെൽഫ് ഡിഫൻസ് ഗ്രൂപ്പിന്റെ പ്രവർത്തനം പഞ്ചായത്തുകളിലേക്ക് വ്യാപിപ്പിക്കുന്നതിന്റെ ഭാഗമായി ഉദയനാപുരം പഞ്ചായത്തിൽ പരിശീലന പരിപാടി സംഘടിപ്പിച്ചു. പരിശീലന പരിപാടിയുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് ഗിരിജ പുഷ്‌കരൻ നിർവഹിച്ചു. വികസനകാര്യ സ്റ്റാൻഡിംഗ് കമ്മി​റ്റി ചെയർപേഴ്‌സൺ ആനന്ദവല്ലി അദ്ധ്യക്ഷത വഹിച്ചു. വൈക്കം ജനമൈത്രി സ്റ്റേഷൻ ഹൗസ് ഓഫീസർ കെ.ജി കൃഷ്ണൻ പോ​റ്റി സ്ത്രീ സുരക്ഷ സന്ദേശം നൽകി.

ഗ്രാമപഞ്ചായത്ത് പ്രതിപക്ഷ നേതാവ് പി.ഡി ജോർജ്, പഞ്ചായത്ത് വൈസ് പ്രസിഡന്റ് ടി. പ്രസാദ്, ഗ്രാമപഞ്ചായത്ത് അംഗങ്ങൾ, ജനമൈത്രി ബീ​റ്റ് ഓഫീസർമാരായ സിന്ധു.കെ. ഹരിദാസ്, ജോസഫ് തോമസ്, പി.എം സന്തോഷ് കുമാർ, വനിത സെൽഫ് ഡിഫൻസ് കൺവീനർ പി.സോമൻ പിള്ള, മധു.ആർ.പണിക്കർ തുടങ്ങിയവർ പ്രസംഗിച്ചു.