മുണ്ടക്കയം: പൈങ്ങാനായിൽ പ്രവർത്തിക്കുന്ന ബിവറേജസ് കോർപ്പറേഷൻ ഔട്ട് ലെറ്രിൽ മോഷണം. ഇന്നലെ രാവിലെ ഷോപ്പ് തുറക്കാൻ എത്തിയ ജീവനക്കാരാണ് മോഷണ വിവരം അറിയുന്നത്. ബിവറേജ് ഔട്ട് ലെറ്റിന്റെ പൂട്ട് തകർത്താണ് മോഷ്ടാക്കൾ ആകത്തുകടന്നത്. 11 കുപ്പി മദ്യം മോഷണം പോയെന്ന് കണക്കെടുപ്പിൽ വ്യക്തമായി. ഔട്ട് ലെറ്റിൽ സൂക്ഷിച്ചിരുന്ന ഒരു ലക്ഷത്തോളം രൂപ നഷ്ടപ്പെട്ടിട്ടില്ല. സ്ഥാപനത്തിലെ സിസിടിവി കാമറയിൽ രണ്ട് യുവാക്കളുടെ ദൃശ്യങ്ങൾ പതിഞ്ഞിട്ടുണ്ട്. ഇവരെ കേന്ദ്രീകരിച്ചാണ് പൊലീസ് അന്വേഷണം ഊർജ്ജിതമാക്കിയിരിക്കുന്നത്. പൊലീസും, എക്സൈസും സ്ഥലത്തെത്തി പരിശോധന നടത്തി.