സെന്റ് കിറ്റ്സ്: രണ്ടാം ടി ട്വന്റിയിൽ ടോസ് നേടിയ വെസ്റ്റിൻഡീസ് ക്യാപ്ടൻ നിക്കോളാസ് പൂരാൻ ഇന്ത്യയെ ബാറ്രിംഗിന് അയച്ചു. ഇന്ത്യൻ നിരയിൽ സ്പിന്നർ ബിഷ്ണോയിക്ക് പകരം പേസർ ആവേശ് ഖാൻ ടീമിലെത്തി. ഇത്തവണയും മലയാളി താരം സഞ്ജു സാംസണിന് ടീമിൽ ഇടം കണ്ടെത്താൻ സാധിച്ചില്ല. അഞ്ച് മത്സരങ്ങൾ ഉൾപ്പെട്ട പരമ്പരയിലെ ആദ്യമത്സരം ജയിച്ച ഇന്ത്യ പരമ്പരയിൽ 1-0ത്തിന് മുന്നിലാണ്.
A look at our Playing XI for the 2nd T20I 👇
— BCCI (@BCCI) August 1, 2022
Live - https://t.co/C7ggEOTWOe #WIvIND pic.twitter.com/56upsFo89m
നേരത്തെ നിശ്ചയിച്ചതിനും മൂന്ന് മണിക്കൂർ വൈകിയാണ് മത്സരം ആരംഭിച്ചത്. ഇന്ത്യയുടെയും വെസ്റ്റിൻഡീസിന്റെയും കളിക്കാരുടെ ക്രിക്കറ്റ് കിറ്റുകൾ എത്താൻ വൈകിയതിനാലാണ് മത്സരം മൂന്ന് മണിക്കൂറോളം വൈകിയത്. ഇന്ത്യൻ സമയം രാത്രി എട്ട് മണിക്കായിരുന്നു ആദ്യം മത്സരം നിശ്ചയിച്ചിരുന്നത്. ലഗേജ് എത്താൻ വൈകിയതോടെ ആദ്യം ഇന്ത്യൻ സമയം രാത്രി 10 മണിക്കും പിന്നീട് 11 മണിക്കുമായി മത്സര സമയം മാറ്രിനിശ്ചയിക്കുകയായിരുന്നു.
*CWI STATEMENT* Delayed start time for 2nd Goldmedal T20I Cup match, powered by Kent Water Purifiers | New Start Time: 12:30PM AST (11:30am Jamaica/10pm India)https://t.co/q1J5FBdZAh https://t.co/dy59uajSr8
— Windies Cricket (@windiescricket) August 1, 2022
ട്രിനിഡാഡിൽ നിന്നുമായിരുന്നു ക്രിക്കറ്റ് താരങ്ങളുടെ കിറ്റുകൾ അടങ്ങിയ ലഗേജ് സെന്റ് കിറ്റ്സിലേക്ക് അയച്ചത്. വെസ്റ്റിൻഡീസ് ക്രിക്കറ്റിന്റെ നിയന്ത്രണത്തിലല്ലാത്ത ചില കാരണങ്ങൾ കൊണ്ട് കളിക്കാരുടെ കിറ്റുകൾ വൈകിയെന്നും അതിനാലാണ് മത്സരം തുടങ്ങാൻ വൈകുന്നതെന്നും വെസ്റ്റിൻഡീസ് ക്രിക്കറ്റ് ബോർഡ് ട്വീറ്റ് ചെയ്തു. ആരാധകർക്കും താരങ്ങൾക്കും ഉണ്ടായ ബുദ്ധിമുട്ടിൽ ക്ഷമ ചോദിക്കുന്നതായും ക്രിക്കറ്റ് ബോർഡ് അറിയിച്ചു.