പത്തനംതിട്ട: തിരുവല്ല നഗരത്തിലെ ബ്യൂട്ടീപാർലറിൽ തീപിടിത്തം. രാവിലെ ജീവനക്കാരെത്തിയപ്പോഴാണ് എ സിയിൽ നിന്ന് തീപടരുന്നത് ശ്രദ്ധയിൽപ്പെട്ടത്. ഉടൻ അഗ്നിശമനസേനയെ വിവരമറിയിക്കുകയായിരുന്നു. കടയുടെ ഉൾഭാഗം പൂർണമായും കത്തിനശിച്ചു.

പെർഫ്യൂമും സാനിറ്റൈസറുമടക്കമുള്ള സാധനങ്ങൾ കടയിലുണ്ടായിരുന്നു. ഇതായിരിക്കാം തീ പെട്ടെന്ന് പടർന്നുപിടിക്കാൻ കാരണമായതെന്നാണ് പ്രാഥമിക നിഗമനം. ബ്യൂട്ടീപാർലറിന് തൊട്ടടുത്ത് തന്നെ പെട്രോൾ പമ്പുണ്ട്. അഗ്നിശമന സേനയുടെ സമയോചിതമായ ഇടപെടലിലാണ് വലിയൊരു അപകടം ഒഴിവായത്.