മട്ടാഞ്ചേരി : ഏഴ് ഭൂഖണ്ഡങ്ങളിലെ 65 രാജ്യങ്ങൾ പിന്നിട്ട് ലോകത്തിലെ ഏറ്റവും നീണ്ട ഹണിമൂൺ ട്രിപ്പിലാണ് അമേരിക്കൻ ദമ്പതികളായ മൈക്ക് ഹോവാർഡും ആനും. ബുധനാഴ്ച ഇവർ ഫോർട്ടുകൊച്ചിയിലത്തി. 2012 ജനുവരിയിലാണ് ഹണിമൂൺ യാത്ര ന്യൂയോർക്കിൽ നിന്നും ആരംഭിച്ചത് . ഓരോ രാജ്യങ്ങളിലെയും സന്ദർശനങ്ങളും അനുഭവങ്ങളും യൂട്യൂബിലെ പങ്ക് വച്ച് യാത്ര തുടരുകയാണ് ദമ്പതികൾ. ബുധനാഴ്ച ഇവർ ഫോർട്ടുകൊച്ചിയിലത്തി.

ഒരു ഹണിമൂൺ യാത്ര എന്ന നിലയിൽ ഏതാനും ചില രാജ്യങ്ങൾ സന്ദർശിച്ചു മടങ്ങുവാനായിരുന്നു ലക്ഷ്യം.

അതിനുള്ള പണവുമായിരുന്നു കൈവശം ഉണ്ടായിരുന്നത്. എന്നാൽ യാത്ര അനുഭവങ്ങൾ പങ്ക് വച്ച് നീങ്ങിയപ്പോൾ യൂ ട്യൂബിലൂടെ മികച്ച പ്രതികരണമാണ് ലഭിച്ചത്. അതു വഴി വരുമാനവും വന്നു. ഇതിനിടെ നാഷണൽ ജിയോഗ്രാഫിക്കൽ ചാനലുമായി കൈകോർത്തു. കൊച്ചിയിലെ ചീനവലകളും മത്സൃ മാർക്കറ്റുകളും ഏറെ ഇഷ്ടപ്പെട്ടുവെന്ന് ദമ്പതികൾ പറഞ്ഞു. അമേരിക്കയിലേക്ക് എന്നാണ് മടങ്ങുന്നതെന്ന ചോദ്യത്തിന് ഹണിമൂൺ കഴിഞ്ഞിട്ടില്ലെന്നായിരുന്നു ഇരുവരുടെയും മറുപടി .അടുത്ത യാത്ര യൂറോപ്പിലേക്കാണ് ക്രൊയേഷ്യ , സ്വിറ്റ്സർലാൻഡ് എന്നിവിടങ്ങളിലേക്കാണ് ലക്ഷ്യം. ശനിയാഴ്ച്ച ഇരുവരും കൊച്ചി വിടും.