തിരുവനന്തപുരം : ചലച്ചിത്ര നടൻ സജീദ് പട്ടാളം അന്തരിച്ചു. 54 വയസായിരുന്നു. കഴിഞ്ഞ കുറച്ച് ദിവസങ്ങളായി രോഗങ്ങളെതുടർന്ന് സജീദ് ആശുപത്രിയിലായിരുന്നു. കൊച്ചിൻ സ്വദേശിയാണ്. ഫോർട്ട് കൊച്ചിയിലെ പട്ടാളമെന്ന സ്ഥലപ്പേര് പേരിനോട് കൂട്ടിച്ചേർത്ത് സജീദ് പട്ടാളമെന്ന പേരിൽ അറിയപ്പെടുകയായിരുന്നു.വെബ്‌സീരീസിലൂടെ ആണ് അഭിനയ ജീവിതത്തിന് തുടക്കമിടുന്നത്.

'കള', 'കനകം കാമിനി കലഹം' ,​ ജാനേ മൻ തുടങ്ങിയ ചിത്രങ്ങളിലെ ചെറിയ കഥാപാത്രങ്ങളിലൂടെ സുപരിചിതനായി.കളയിലെ വാറ്റുകാരൻ, കനകം കാമിനി കലഹത്തിലെ അഭിനയ വിദ്യാർത്ഥി തുടങ്ങി ചെറിയ റോളുകൾ ശ്രദ്ധ നേടി. 'ജാൻ എ മന്നി'ലെ മാക്സിമാ ഇവന്റ് ജോലിക്കാരന്റെ വേഷവും പ്രേക്ഷകരെ ആകർഷിച്ചു. തരുൺ മൂർത്തി സംവിധാനം ചെയ്യുന്ന 'സൗദി വെള്ളക്ക' എന്ന ചിത്രത്തിൽ ശ്രദ്ധയ വേഷത്തിൽ അഭിനയിച്ചിരുന്നു.