കോഴിക്കോട്: സംസ്ഥാനത്തെ മാദ്ധ്യമ പ്രവർത്തകരുടെ ക്ഷേമത്തിനായി പ്രത്യേക ക്ഷേമനിധി ബോർഡ് രൂപീകരിക്കണമെന്ന് സീനിയർ ജേർണലിസ്റ്റ് ഫോറം സംസ്ഥാന സമ്മേളനത്തിൽ ആവശ്യപ്പെട്ടു.മാദ്ധ്യമ പ്രവർത്തകരുടെ പെൻഷൻ,അക്രഡിറ്റേഷൻ,ചികിത്സ,ഭവന നിർമാണ പദ്ധതി,തൊഴിൽ സുരക്ഷിതത്വം എന്നിവ ബോർഡിന്റെ പരിധിയിൽ ഉൾപ്പെടുത്തണമെന്നും പ്രമേയത്തിലൂടെ ആവശ്യപ്പെട്ടു.വിവിധ പുരസ്‌കാരങ്ങൾ നേടിയ മുതിർന്ന മാദ്ധ്യമ പ്രവർത്തകരെ തോട്ടത്തിൽ രവീന്ദ്രൻ എം.എൽ.എ ഉപഹാരങ്ങൾ നൽകി അനുമോദിച്ചു.സി.പി.ഐ ജില്ലാ സെക്രട്ടറി ടി.വി.ബാലൻ,കോഴിക്കോട് പ്രസ് ക്ലബ് സെക്രട്ടറി പി.എസ്.രാകേഷ് എന്നിവർ സംസാരിച്ചു.
സമാപന സമ്മേളനം സംസ്ഥാന സ്പോർട്സ് കൗൺസിൽ പ്രസിഡന്റ് ടി.പി.ദാസൻ ഉദ്ഘാടനം ചെയ്തു.സംസ്ഥാന പ്രസിഡന്റ് എ.മാധവൻ അദ്ധ്യക്ഷത വഹിച്ചു.ജനറൽ സെക്രട്ടറി കെ.പി.വിജയകുമാർ,മുൻ സംസ്ഥാന പ്രസിഡന്റ് അഡ്വ.വി.പ്രതാപ ചന്ദ്രൻ,ആർ.എം.ദത്തൻ,എം.ബാലഗോപാലൻ,ഹക്കിം നട്ടാശ്ശേരി,ഹരിതാസൻ പാലയിൽ,സി.എം.കൃഷ്ണ പണിക്കർ എന്നിവർ സംസാരിച്ചു.എം.ജയതിലകൻ സ്വാഗതവും സി.പി.എം.സഈദ് അഹമ്മദ് നന്ദിയും പറഞ്ഞു.സംസ്ഥാന പ്രസിഡന്റായി എ.മാധവനെയും ജനറൽ സെക്രട്ടറിയായി കെ.പി.വിജയകുമാറിനെയും തെരഞ്ഞെടുത്തു.