ആമിര്‍ ഖാനെ നായകനാക്കി അദ്വൈത് ചന്ദൻ ഒരുക്കിയ ചിത്രമാണ് 'ലാല്‍ സിംഗ് ഛദ്ദ'. ടോം ഹാങ്ക്‌സ് നായകനായി 1994-ല്‍ പുറത്തിറങ്ങിയ 'ഫോറസ്റ്റ് ഗമ്പി'ന്റെ ഔദ്യോഗിക റീമേക്കാണ് ചിത്രം. ഒട്ടേറെ പ്രതിസന്ധികൾക്കൊടുവിലാണ് ചിത്രം ഇന്ന് റിലീസായത്.
നിരവധി വിമർശനങ്ങളും ബോയ്‌കോട്ട് ക്യാമ്പെയിനുകളും മറികടന്നാണ് ചിത്രം റിലീസ് ചെയ്‌തത്. ഇപ്പോഴിതാ ചിത്രത്തിനെതിരെ വിമർശനവുമായി എത്തിയിരിക്കുകയാണ് മുന്‍ ഇംഗ്ലീഷ് ക്രിക്കറ്റ് താരമായ മോണ്ടി പനേസര്‍.
Aamir plays a moron in Lal Singh Chadda .......
— Monty Panesar (@MontyPanesar) August 10, 2022
Forrest Gump was a moron too !!
Disrespectful. Disgraceful.#BoycottLalSinghChadda#BoycottLaalsingh pic.twitter.com/hpq8qvpbdi
'ലാല്‍ സിംഗ് ഛദ്ദ' നിരോധിക്കണമെന്നാണ് താരത്തിന്റെ ആഹ്വാനം. ഇന്ത്യന്‍ ആര്‍മിക്കും സിഖുകാര്‍ക്കും ചിത്രം അപമാനമാണെന്നാണ് ക്രിക്കറ്റ് താരം പറയുന്നത്. സോഷ്യൽ മീഡിയയിലൂടെയായിരുന്നു താരത്തിന്റെ പ്രതികരണം.
ആമിറിന്റെ ചിത്രത്തിന് പുറമെ അക്ഷയ് കുമാറിന്റെ 'രക്ഷാബന്ധനെ'തിരേയും വിമർശനങ്ങൾ ഉയർന്നിരുന്നു. കരീന കപൂര്‍ ആണ് 'ലാല്‍ സിംഗ് ഛദ്ദ'യിൽ നായികയായി എത്തുന്നത്. ആമിര്‍ ഖാന്‍ പ്രൊഡക്ഷന്‍സ്, വിയാകോം 18 സ്റ്റുഡിയോസ്, പാരമൌണ്ട് പിക്ചേര്‍സ് എന്നിവര്‍ ചേര്‍ന്നാണ് 'ലാല്‍ സിംഗ് ഛദ്ദ' നിര്‍മിച്ചിരിക്കുന്നത്.
Forrest Gump fits in the US Army because the US was recruiting low IQ men to meet requirements for the Vietnam War. This movie is total disgrace to India Armed Forces Indian Army and Sikhs !!Disrespectful. Disgraceful. #BoycottLalSinghChadda pic.twitter.com/B8P2pKjCEs
— Monty Panesar (@MontyPanesar) August 10, 2022
