പ്രധാന മന്ത്രി സുകന്യ സമൃദ്ധി യോജനയെ കുറിച്ച് കേട്ടിട്ടില്ലാത്തവർ ആരും കാണില്ല. എന്നാൽ ഈ പദ്ധതിയിൽ എന്താണ് ഇത്ര ആകർഷണീയത എന്ന് ചിന്തിച്ചിട്ടുണ്ടോ ? പെൺകുട്ടികളുടെ വിവാഹത്തിനും വിദ്യഭ്യാസത്തിനുമുള്ള സമ്പാദ്യ പദ്ധതിയാണ് പ്രധാന മന്ത്രി സുകന്യ സമൃദ്ധി യോജന. പോസ്റ്റാഫീസ് മുഖേനയോ, ദേശസാത്കൃത ബാങ്ക് മുഖേനയോ ഈ പദ്ധതിയിൽ അംഗമാകാം. പത്ത് വയസിൽ താഴെയുള്ള പെൺകുട്ടികളുടെ രക്ഷിതാക്കളാണ് പണം അടയ്‌ക്കേണ്ടത്.

വർഷത്തിൽ എറ്റവും കുറവ് 250 രൂപയോ പരമാവധി 1.50 ലക്ഷം രൂപ വരെയും തുടർച്ചയായി 14 വർഷം അടയ്ക്കുന്ന ഗുണഭോക്താവിന് 21 വയസ്സ് പൂർത്തിയാക്കുമ്പോൾ ഈ പദ്ധതിയുടെ പ്രയോജന ലഭിക്കും. ഉദാഹരണമായി പ്രതിമാസം 1000 രൂപാ വീതം വർഷത്തിൽ 12000 വീതം 14 വർഷത്തേക്ക് 1,68,000 രൂപ നിക്ഷേപിക്കുമ്പോൾ 21 വയസ്സ് പൂർത്തിയാക്കുമ്പോൾ 6,07,128 രൂപ ലഭിക്കും.

കേന്ദ്ര പദ്ധതിയെ കുറിച്ചുള്ള ജനങ്ങളുടെ സംശയത്തിന് നിവാരണം വരുത്താനുള്ള കാമ്പയിനുമായി എത്തിയിരിക്കുകയാണ് ബി ജെ പി. പദ്ധതിയെ കുറിച്ചുള്ള സംശയങ്ങൾ കമന്റായി രേഖപ്പെടുത്താവുന്നതാണ്.