ഇടുക്കി: കഞ്ഞിക്കുഴിയിൽ എൻ എസ് എസ് ക്യാമ്പിനെത്തിയ വിദ്യാർത്ഥിക്ക് നേരെ ലൈംഗികാധിക്ഷേപം നടത്തിയ അദ്ധ്യാപകനെതിരെ കേസെടുത്തു. പോക്സോ വകുപ്പ് പ്രകാരമാണ് കഞ്ഞിക്കുഴി പൊലീസ് കേസെടുത്തത്. പത്തനംതിട്ട സ്വദേശി ഹരി ആർ വിശ്വനാഥിനെതിരെയാണ് കേസ്.

ക്യാമ്പിൽ വച്ച് പെൺകുട്ടി വസ്ത്രം മാറുന്നതിനിടെ ഒളിഞ്ഞു നോക്കിയെന്നും ലൈംഗിക ചുവയോടെ സംസാരിച്ചെന്നുമാണ് പരാതി. ബിജെപി അനുകൂല അദ്ധ്യാപക സംഘടയുടെ ജില്ലാ ഭാരവാഹിയാണ് ഹരി ‌ആർ വിശ്വനാഥ്. സംഭവം പുറത്തറിഞ്ഞതിനു പിന്നാലെ ഒത്തുതീർപ്പാക്കുന്നതിന് കുട്ടിയുടെ സുഹൃത്തിനോട് ഹരി അപേക്ഷിക്കുന്നതിന്റെ ശബ്ദ സന്ദേശവും പുറത്തുവന്നിരുന്നു. സ്കൂൾ മാനേജ്മെന്റ് അദ്ധ്യാപകനെ സസ്പെന്റ് ചെയ്തിട്ടുണ്ട്.