ഏകദിന പരമ്പര തൂത്തുവാരി ഇന്ത്

ഹരാരെ: സിംബാബ്‌വെയ്ക്കെതിരായ മൂന്നാം ഏകദിനത്തിൽ 13 റൺസിന്റെ വിജയം നേടിയ ഇന്ത്യ പരമ്പര 3-0ത്തിന് തുൂത്തുവാരി. ആദ്യം ബാറ്റ് ചെയ്ത ഇന്ത്യ ശുഭ്മാൻ ഗില്ലിന്റെ സെഞ്ച്വറിയുടെ പിൻബലത്തിൽ 50 ഓവറിൽ 8 വിക്കറ്റ് നഷ്ടത്തിൽ 289 റൺസെടുത്തു. മറുപടിക്കിറങ്ങിയ സിംബാബ്‌വെയ്ക്കായി സിക്കന്ദർ റാസ തകർപ്പൻ സെഞ്ച്വറി നേടി പൊരുതിനോക്കിയെങ്കിലും മൂന്ന് പന്ത് ശേഷിക്കെ വിജയ ലക്ഷ്യത്തിന് 13 റൺസകലെ അവരുടെ വെല്ലുവിളി അവസാനിച്ചു (276/3)​.

35.5 ഓവറിൽ 167/7 എന്ന നിലയിൽ ആയിരുന്ന സിംബാബ്‌വെയെ റാസ (95 പന്തിൽ 115)​ എട്ടാം വിക്കറ്റിൽ ബ്രാഡ് ഇവാൻസിനെ (28)​ കൂട്ടുപിടിച്ച് വിജയതീരത്തേക്ക് നയിച്ചെങ്കിലും ലക്ഷ്യത്തിനരികെ ഇടറി വീഴുകയായിരുന്നു. 77 പന്തിൽ 104 റൺസിന്റെ കൂട്ടുകെട്ടാണ് ഇരുവരുമുണ്ടാക്കിയത്. 49-ാം ഓവറിലെ നാലാം പന്തിൽ റാസയെ ഷർദ്ദുലിന്റെ പന്തിൽ ലോംഗ് ഓണിൽ മനോഹരമായ ക്യാച്ചിലൂടെ ഗില്ലാണ് മടക്കിയത്. സീൻ വില്യംസും സിബാബ്‌വെ ബാറ്റർമാരിൽ തിളങ്ങി. ഇന്ത്യയ്ക്കായി ആവേശ് ഖാൻ മൂന്ന് വിക്കറ്റ് വീഴ്ത്തി. അക്ഷർ,​ദീപക്ക്,​ കുൽദീപ് എന്നിവർ രണ്ട് വിക്കറ്ര് വീതം വീഴ്ത്തി.

നേരത്തേ കന്നി സെഞ്ച്വറി നേടിയ ശുഭ്മാൻ ഗില്ലാണ് ഇന്ത്യൻ ഇന്നിംഗ്സിന്റെ നട്ടെല്ലായത്. 97 പന്തിൽ നിന്ന് 15 ഫോറും 1 സിക്സും ഉൾപ്പെടെ 130 റൺസാണ് ഗിൽ നേടിയത്. ഗില്ലാണ് കളിയിലേയും പരമ്പരയിലേയും താരം. ഇഷാൻ കിഷൻ (50)​ അ‌ർദ്ധ സെഞ്ച്വറിയുമായി ഗില്ലിന് നല്ല പിന്തുണ നൽകി. ശിഖ‍ർ ധവാനും തിളങ്ങി. സഞ്ജു 15 റൺസെടുത്ത് പുറത്തായി.