തിരുവനന്തപുരം: വിഴിഞ്ഞം തുറമുഖ നിർമ്മാണത്തിനെതിരെയുള്ള മത്സ്യത്തൊഴിലാളികളുടെ സമരം പരിഹരിക്കാനുള്ള രണ്ടാമത്തെ ചർച്ചയും പരാജയം. മന്ത്രിസഭാ ഉപസമിതിയും സമരക്കാരുമായുള്ള ചർച്ചയാണ് പരാജയപ്പെട്ടത്. തുറമുഖ നിർമ്മാണം നിറുത്താനാവില്ലെന്ന് സർക്കാർ സമരക്കാരെ അറിയിച്ചു. സമരം തുടരുമെന്നാണ് സമരസമിതി കൺവീനറും പുരോഹിതരും അറിയിച്ചിരിക്കുന്നത്.

മുഖ്യമന്ത്രിയുടെ പ്രതികരണം കരുതിക്കൂട്ടിയുള്ളതായിരുന്നില്ല എന്ന് മന്ത്രിമാർ അറിയിച്ചതായി സഭാ നേതൃത്വം പറഞ്ഞു. അടിയന്തര പ്രമേയത്തിന്റെ പ്രത്യേക സാഹചര്യം മനസിലാക്കണമെന്നും സമരസമിതിയോട് അഭ്യർത്ഥിച്ചു. മണ്ണെണ്ണയുടെ കാര്യത്തിൽ ചർച്ച പോലും നടന്നില്ല. ചർച്ചകൾ തുടരും മുഖ്യമന്ത്രിയുമായി ചർച്ച നടക്കും എന്ന് പ്രതീക്ഷിക്കുന്നുവെന്നും സമരസമിതി വ്യക്തമാക്കി.