
ഹണി റോസിനായി ക്ഷേത്രം പണിത് ആരാധകർ. ആദ്യ സിനിമയായ ബോയ് ഫ്രണ്ട് മുതൽ സ്ഥിരമായി ഫോണിൽ വിളിച്ച് അഭിനന്ദിക്കുന്ന തമിഴ് ആരാധകനാണ് ക്ഷേത്രം പണിതതെന്ന് ഹണിറോസ് പറയുന്നു. 
പാണ്ടി എന്നു വിളിക്കുന്നതാണ് അദ്ദേഹത്തിന് ഇഷ്ടമെന്നും വർഷങ്ങളായി കൂടെ നിൽക്കുന്നത് അത്ഭുതകരമാണെന്നും ഹണിറോസ് പറയുന്നു. 
എല്ലാ പിറന്നാളിനും വിളിക്കും. ഒരു പ്രത്യേക സ്നേഹമുള്ള ആളാണെന്നും ഹണി റോസ് പറയുന്നു. വിനയൻ സംവിധാനം ചെയ്ത ബോയ്ഫ്രണ്ട് എന്ന ചിത്രത്തിലൂടെയായിരുന്നു ഹണിറോസ് അരങ്ങേറ്റം കുറിച്ചത്
ട്രിവാൻഡ്രം ലോഡ്ജ്, ഹോട്ടൽ കാലിഫോർണിയ, ദൈവത്തിന്റെ സ്വന്തം ക്ളീറ്റസ്, ചങ്ക്സ്, ബിഗ് ബ്രദർ തുടങ്ങി ഒട്ടേറെ ചിത്രങ്ങളിൽ അഭിനയിച്ചു. 
അക്വാറിയം ആണ് ഹണിറോസിന്റേതായി അവസാനം പുറത്തിറങ്ങിയ ചിത്രം. 
മോഹൻലാൽ നായകനായ മോൺസ്റ്ററാണ് റിലീസിന് ഒരുങ്ങുന്ന ചിത്രം.സംവിധായികയായി മാറാനുള്ള തീരുമാനത്തിലാണ് താരം.